Koroonah Vayres Itiyoppiyal Geytime

Addis Ababa,Qado Dirri 4, 2012ILL (FBC) Itiyoppiyal Qimboh Addah Koroonah Vayres Geytimem Qaafiyat Malak Kee Itiyoppiyak Ayyunti Qaafiyatih Inistituyut Qaddosse.

Koroonah Vayres Edde Geytimeh Akak Num 48 Karmat Geytima Jappan Baaxo Baxiinu Le Num Kinnim Warsen.

Qaafiyat Malaakah Tan Dr. Liya Taddese Elle Qaddosennal, A Num Burikinafaasok Caxa Alsak 25, 2012 Itiyoppiya Fanah Yemeetem Tiysixxige.

Tama Num Itiyoppiya Cule Wak Faxxiima Kattaatu Kah Abeenih Sugeenim Qaddosse.

A Num Ummattak Waalih Hayya Heenih Ka Yabbixeenim Kee Tama Numut Angaaraw Luk Sugte Maritteh Kattatu Abak Geytimaanam Qaddoosen.

Itiyoppiyak Ayyunti Qaafiyatih Inistitiyutuk Naharsi Dayrekterih Yan Dr. Ebba Abaate Elle Qaddoosennal Koroonah Vayresik Kalali Taama Meqennal Abak Geytimaanam Kassisaak, A Num Kaaduk Ta Takkeh Tan Kattaati Cokdal Geyoonu Duudeenim Warse.

Doolat Katuk Kulli Caddol Tama Lakimih Kalaluh Agat Caddook Ila Guba Fan Xissimteh Tan Makaado Tanim Yiysixxigen.

Tama Kalali Tamoomik Dayli Fanteena Bicseenih Geytimaanam Kee Fokkaaqo Lanaratoori Baaxoh Addal Abaanam Kassisen.

Ayyunti Ahat Wariggitam Faxxiime Waytam Kee Gaba Macok Isinni Deberaanam Faxximtam Kee Gaba Lee Kee Saabunut Kaqlisaanam Faxximtam Qaddoosen.