Mala Buxa Koroonah Vayresih Caagiidil Walalen
Addis Ababa, Qado Dirri 03, 2012 ILL (FBC) IFDRik Ummattah Awlaytiitih Malah Buxa Baad Caddol Cunxo Akkuk Geytima Koroonah Vayresih Caagiidal Walal Gexsen.
Qaafiyat Malaakah Tan Dr. Liya Taddese Kee Itiyoppiyak Qaafiyat Inistituyutuk Naharsi Dayrekterih Yan Dr Eeba Abaate Koroonah Vayresih Caagid Kee Tama Vayres Itiyoppiya Fanah Akah Cule Wannah Abak Geytiman Yaakume Bicih Caagiidil Mala Buxah Addaffakot Aben.
Mala Buxah Adoyoti Kroonah Vayres Inkih Tan Ummatta Wagittam Kinnnimih Taagah Mabla Diggoysiyyih Katuk Takke Taamoomi, Malokti Caddol Xissimte Makaado Ilaa Guba Fanah Oobak Rakaakayitte Lih Aban Taama Maca Celtaamih Essero Xayyoosen.
Tonnah Cuggaane Baaxooxat Cududuh Raqta Rakaakayittel Abak Geytiman Taama, Gita Maliinot Sinam Baaxok Baaxo Tabissah Tan Maritte Tama Vayres Akah Culannah Abeleemih Taagah Ahal Mannah Tan Taama Akkuk Geytimtaamih Essero Ugusen.
Itiyoppiyak Ayyunti Qaafiyatih Inistituyutuk Naharsi Dayrekterih Yan Dr. Eeba Abaate Yeceh Yan Gacsa Kee Addaffakootul, Kalali Taama Sitta Lih Taamitak Geytimaanam Kassiisaak Inkih Tan Ummatta Cubbit Abak Taamat Akak Yaniinim Warse.
Ta Inistituyutu Baad Caddol Cunxo Yekkeh Geytima Vayres Kalalitaanamih Taanam Ila Daqar Caddol Fantaaxaw Akah Yaninnah Abak Geytimaanam Kee Qaafiyat Malak Kaaduk Rakaakayak Qaafiyat Biiroora Lih Taamitak Geytimaanam Qaddoosen.
Cuggaaneh Baaxooxat Cududuh Raqta Rakaakayitte Wagittaamal Ila 30 Takke Carkookil Niqna Elle agiitan Taama Abak Geytimaanam Yiysixxigen.
Tama Biyakak Ummatta Barsaanamih Taama Xaagi Raceynitih Katuk Tatrusak Geytimaanam Qaddooseh Yan Dr Eeba Abatae, Ayyunti Baxaabaxsa Le Gital Ken Akah Guftannah Abak Geytimaanam Qaddoose.
Qaafiyat Malaakah Tan Dr. LIya Taddese Is Le Katuk Tama Biyak Kalalitaanam Kee Baaxo Fanah Culek Kalali Taamah Dayli Fanteenit Bica Abak Baxaabaxsa Le Taama Abak Geytimaanam Tiysixxige.
Xissimteh Tan Agat Caddoh Malah Buxa Wagittah Tan Dagorti Lih Taamitak Geytimaanam Qaddosse.
AyyuntiTama Lakimih Caagioidil Ixiga Akah Geyan Innah Taamat Akak Yaniinim Kassiisaak, Ayyunti Dago Limoh Tan Gaba Saytunaane Edde Dacrisan Keemikaalitte Geytam Elle Dudda Taama Abak Geytimaanam Tiysixxige.
Gaba Macaok Isinni Dacrisaanamaay, TamaBiyaakat Yinxibbimeh Yan Num Yenek Kaallih Lon Angaarawk Yaxxeereenimi, Kulli Wak Kaaduk Gaba Lee Kee Saabunut Kaqlisaanam Faxximtam Kassisen.