Koroonah Vayres Baad Caddol Uma Caddot Yan Lakima Kinnim Qaddoosen
Addis Ababa, Qado Dirri 02, 2012 ILL (FBC) Koroonah Vayres Baad Caddol Umah Akak Iyyan Lakima Kinnim Baadak Qaafiyat Egla Qaddosse.
Baadak Qaafiyat Eglak Naharsi Dayrekterih Yan Dr. Tedros Adcanom Koroonah Vayres Chaynaak Iroh Taturteh Tan 2 Ayyaamitteh Addat 13 Gabal Fayya Iyyem Qaddoose.
Dr. Tedros Elle Qaddoosannal,Ta Vayres Kalalitoonuh Aban Taama Boola Leemik Ugut Abak Kaxxam Kaa Cisabboosam Qaddoose.
A Vayrs Baad Caddok Uma Lakima Iyyaanam Baadak Qaafiyat Egla Kulli Baaxooxa Abtam Faxximtah Akak Iyye Taama Sooleleeh Iyyaanam Akke Waytam Yescesse.
Koroonah Vayresih Kalaluh Baaxooxa Sissikiih Tonnah Gidbi Maaqatta Beyak Kalalitaanam Faxximtam Dr. Tedros Adcanom Qaddoose.
Away Tama Vayres Baad Caddol Mangoh Tan Baaxooxa Fanah Fixiixak Geytimam Warse.
Baadak Qaafiyat Egla Oyti Elle Yascassennal, 114 Takke Baaxooxal 118 Alfi Yakke Mari Tama Vayres Yibbixeh Geytimam Kee 4 Alfi 291 Yakke Mari Kaaduk Tama Vayresik Gexxaamah Edde Rabem Yiysixxigen.
Raceyna:- BBC