Baad Caddol Carbi Silaacitte Tabaatabissa Butta Itiyoppiya Fanah Culusak Sugte Mango Silaacitte Yibbixen
Addis Abab, Qado Dirri 01, 2012 ILL (FBC) Baad Caddok Carbi Silaacitte Tabaatabissah Tan Egla Jabuuti Katuuk Itiyoppiya Fanah Culusak Sugte 2 Kontiner Takke Carbi Silcaatti Loysis Gubat Heenim Agatak Oyta Kee Amni Fanteena Qaddosse.
Ugutma Turkik Mersin Forda Abeh Akak Iyyan Tama Silac, Jabuuti Fordaak Itiyoppiya Fanah Cullek Lakal Yibbixeenih Yanin Tama Silac, Qorat Fordal 5 Alsih Gideh Abbaxuk Sugeenim Kassiisak, Tama Silac Cubbit Baaxoh Adda Culseenih Sugeenim Tama Fanteena Fana Brodkasting Korporeetih Rubte Maybalaalaqal Qaddosse.
Akkalal Garab Miliyoonuuk Daga Takkeh Tan Alifut Tan Kartoonitte, 18 Alfiik Daga Takke Turki Bicisse Shuguut Edde Anuk Elektroonikis Duyye Le 229 Yakke Alifut Yan Kartoon Edde Yibbixeenim Warsen.
Tama Silaacitte Le 2 Kontineeritte Baaxoh Addal Fixiixisaanamal Mango Qawwalayla Kataasak Tenem Yiysixxigen.
Tama Silaacitte Baaxoh Addal Fixiixisoonuh Bicat Sugeenih Akak Iyyen 24 Yakke Dereemenih Yanin Mara Tama Silac Hargoonuh Bicat Sugen Wak Yibbixeenih Yaniinim Qaddoosen.
Agatak Oyta Kee Amni Fanteena Cududuk Tabteh Tamaateh Tan Silaacitte Loysiisi Taama Abak Geytimtamak Ossetinah Jabuuti, Suudan, Libya, Turki Kee Amerikak Oyti Fanteeniti Lih Oyti Tabaatabsiyyih Taama Abak Yemeeteenim Tama Maybalaalaqa Tascasse.
Tamahat Arawah Anuk 7 Takke Baxaabaxsa Le Iro Baaxoh Baxiinu Leh Tan Marittey Dereemeenih Iyya Edde Geytimtam Kassiisaak, Tama Marih Fanak 2 Takke Suudan Xaylo Suudaanak Oyti Fanteena Lih Abeenih Yanin Kattaatu Kee Oyti Tabaatabsal Tama Mara Yabbixoonu Duudeenim Qaddoosen.
Kalah Dereemeenih Yanin Maritte Yabbixoonuh Libyay, JJabuuti, Sudan, Turki Kee Ameerikah Doolata Lih Amngaaraw Haysitak Sitta Lih Taamitak Geytimaanam Warsen.
Ummatta Tannah Tan Oytitte Tabbeh Innammah Tableh Tan Wak Sisikuk Wagittah Tan Dagortih Aysaxxaguk Baaxo Baytik Cataanam Faxximtam Tama Fanteenah Maybalaalaqal Qaddoosen.