Qafar Rakaakay Koroonah Vayresik Kalali Taamah Makaado Xiseen

Addis Ababa, Qado Dirri 02, 2012 ILL (FBC) Qafar Rakaakayih Doolat Koroonah Vayresik Kalali Taama Abak Geytimaanam Qaddose.

Rakaakayak Qaafiyat Biiroh Oyti Elle Yascassennal, Baad Caddol Kaxxa Cunxo Akkuk Geytima Koroonah Vayres Baaxo Fanah Akah Cule Wannah Baxaabaxsa Le Taamoomi Abak Geytimaanam Kee Rakaakay Caddol Makaado Akah Xiseenih Yaniinim Warsen.

Qafar Rakaakayak naharsi Saqal Gifta Awwala Qarba Miraacisa Koroonah Vayresih Kalali Maakaado Xiseenih Geytimaanm Yiysixxigen.

Wohuk Kalah Rakaakayak Qaafiyat Biirok Teknik Magaado Xissimak Taama Qimmiseh Tanim Qaddosen.

Agat Caddol Geytimtah Tan Cududuk Culma Dariifal Kalali Taama Akkuk Geytimtam Kee Qafar Rakaakay Kaaduk Gaalifi Cududul Koroonah Vayresik Kalali Taama Abtah Tan Mihratleela Daffeesak Taamat Geytimtam Kassise.

Tama Aracal Abak Geytiman Fokaaqol 24, 719 Yakke Marak Fokaaqo Abak Culseenih Yaniinim Kassisaak Aham Fanah Tama Marak Ta Vayresih Asta Eddee Yumbulle Mari Ane Waam Qaddoosen.

Ugutma Chaynak Wuubeh Rakaakayak Wuhan Magaalak Abeh Yan Kroonah Vayres Baadal Kaxxa Cunxo Akkuk Geytimah Yan Lakima Kinni.

Aham Fanah Tama Vayres Itiyoppiya Cule Wem Takkay Ikkah Mango Baaxooxal Fixiixak Geytima.

Tama Vayres Aham Fanah Baadal 100 Alfiik Daga Yakke Mara Yibbixeh Yanim Kee Rabah Yan Marih Ixxima Kaaduk Ossimak Geytimah Yanim Tamixige.