Mala Buxa 27.8 Biliyoonih Birri Abak Xayyoosen Ossetina Mizaaniyyatih Qaguntak Yayse Addaffakootuh Wagittah Tan Dagorti Fanah Miraacisse
Addis Ababa, Qado Dirri 01, 2012 ILL (FBC) IFDrik Ummattah Awlaytiitih Malah Buxak 5hele Taama Dabaanak 13hele Madabiino Kobox Asaakih Ayro Gexisse.
Tama Malah Buxa Asaaku Gexisseh Tan Madabiino Daffeynal Baxaabaxsa Le Qanguntal Walalak Addaffakootuh Maytani Makaadoh Ruuben.
Ummattah Awlaytiitih Malah Buxak Madabiino Koboxul 27.8 Biliyoonih Birri Abak Xayyoosen 2012 Mizaaniyyatak Ossetina Mizaaniyyatih Qagunta Wagiiten.
Tama Ossetina Mizaaniyyat Agat caddol Baaxoh Addah Eglaalih Qokolih Maysaasah Yibbixeenim Warsen.
Tama Qaguntak Naharsi Hadafa, Away Tama Baaxoh Addah Qidaddoh Maysaasat Taafeh Tan Taqabitteh Calli Geysiisoonuh Aban Tamah 18 Biliyoonih Birri, Daddos Seftinetih Taddeerah 2 Biliyoonih Birri, Inki Gideh Taama Caddo Alsiita 7.9 Biliyoonih Birri Sittat 27.8 Biliyoonih Birri Ossetina Miizaaniyyat Abak Xayyoosen.
Mala Buxa Tama Mizaaniyyat Yayse Addaffakot Kee Kusaaqah Culenta, Mizaaniyyat Kee Maaliyyah Caagiidak Maytani Makaadoh Fanah Ruuben.
Ossetinah Itiyoppiya Kee Saqudiyak Daddos Fendih Fanal 2hele Agat caddok Saytun Maqab Leh Xayyoosiyya, Saytunaane Kee Nadaafatta Qokolih Caagiida Giti Maymaaqah Caagiidal Addaffakootuh Tama Makaadoh Fanah Ruuben.
Tamaha Lih Iroh Oditih Qagaaqagitiyya Yanukusoonuh Tonnah Cisab Kusaaqih Korporeshin Qagitak Xisaanam Elle Duuudan Alhun Doolat Awqentih Xiinisso Kee Loysis Caagiidak Maytani Makaado Tonnah Catottah Culenta, Mizaaniyyat Kee Maaliyyah Caagiidak Maytani Makaadu Fanah Miraacisen.
Ossetinah Afrikah Inkiinoh Simbil, Saare Kee Afrikah Ayro Caagiidil Xayyoose Qagunti Kuktal Walak Addaffakootuh Iroh Angaaraw Kee Salaam Caagiidak Maytanio Makaado Fanah Ruuben.