Taaliyan Koroonah Cunxook Gexxaamah Baaxo Caddol Safar Soolo Abte
Addis Ababa, Qadodirri 01, 2012 ILL (FBC) Taaliyan Koroonah Vayresih Cunxook Gexxaamah Inkih Tan Tama baaxoh Caddol Ummatta Kobox Kee Safar Waaso Abtem Warsen.
Taaliyaan Mangoh Tan Baaxo Xaylo Koroonah Vayresit Teetik Edde Rabteemik Ugut Abak Tama Lakimih Kalalu Kee Loysiisih Baxaabaxsa Le Maaqattooti Beyak Geytimta.
Tahak Ugut Abak Tatreh Yan Caadah Taaliyanak Kilbatti Dariifal 16 Miliyon Yakke Mara Ila Qasa Dirri Famnah To Aracak Akah Angayye Waan Innah Abteh Geytimta.
Taaliyaanal Ta Vayresih Fixix Fayya Le Caddol Geytimam Kee Tahak Ugut Abak 20 Takke Rakaakayitte Teetik Culeh Geytimam Warsen.
Ta Vayresit Rabteh Tan Maritteh Qadad 463 Gufeh Yanim Tamakkek Tawqeh Tan Oytitte Tascasse.
Ahak Ugut Abak Taaliyaanal Ummatta Kobox Kee Faxe Qaynatih Safar Akah Akkewannah Wasseh Tanim Yiysixxigen.
Taaliyaanak Naharsi Malak Juseppe Konte, Ummatta Buxak Akah Awqe Waytannah Farmo Tatruseemik Ossetinah Safar Faxeenik Faxximta Essero Xayyosaak Roksat Beyaanam Faxximtam Qaddoose.
Away Abeenih Yanin Margaqa A Lakimih Fixix Yaynukusoonuh Tonnah Biyak Leh Yan Mari Yanik Sissik Kalalu Aboonuh Beyeenim Tama Naharsi Malak Kassiise.
Taaliyan Baaxo Chayna Katayak Koroonah Vayresih Lakimi Kaxxa Qawwalayla Kataasak Elle Geytama Baaxo Kinnim Warsen.