Doolat Ummattah Inkittinaane Darroqossah Tan Siyaasa Missoynaan Kee Mangittina Retteemat Maaqatta Beyelem Qaddoosse
Addis Ababa, Caxah-Alsak 30. 2012 ILL (FBC) Doolat Ummattah Inkittinaane Darroqossah Tan Siyaasa Missoynaani Kee Mangittinna Retteemat Maaqatta Beyelem Qaddoosen.
Naharsi Malaakih Kutbeh Buxak Pires Sekreteriyataih Kutbeh Buxak Naharsi Saqalah Yan Gifta Nugusu Tilaahun Fana Brodkasting Korporeetih Elle Qaddoosennal, Ummatta Gudgud Kee Mangittiina Retteemal Tatrusaanah Yanin Migaq Baysiyyi Farmo Kee Yaabitte Baaxoh Inkittinaan Kee Sitta Luk Alliyyal Taqabi Kataasak Geytimtam Yiysixxige.
Tahak Ugut Abak, Annah Tanih Tan Abtootat Gaba Leh Akak Iyyan Siyaasa Missoynaani Kee Xaagi Raceynit, Itiyoppiyak Brodkast Abbatiino Kee Agatak dooro Bordi Lih Gacak Maaqatta Beyoonuh Dirki Akkuk Geytimtam Yescesse.
Tahat Arawah Anuk Baadak Sayyoh Ayro Wagsiisak Oromo Federalist Kongresih Missoyna (OFEKO) Adaamal Gexisseh Tan Gudgudul OMN Katuk Doolat Dastuuruk Iroh Tan Itiyoppiyal Tan Caalatitte Asmite Kal Migaq Baysiyyi Farmo Tatrusen.
Itiyoppiyah Ummatta Mango Dabaanah Sitta Luk Alliyyal Inkim Tikka Inteh Sitta Lih Tan Ummatta Kinnim Kassiisaak, Ta Missoyna Takku Tama Xaagi Raceyna Abteh Tanimi Gitak Iroh Kinnim Qaddoose.
A Tekkeh Tanim Galti Dibuk Akke Waytam Gifta Tilaahun Nugusu Qaddoose.
Gifta Nugusu Elle Qaddoosannal, Doolat Mango Uddur Sitta Barisak Tonnah Sitta Fayisak Caagiida Missowele Axcuk Aham Fanah Mangoomul Asbaruk Geytimam Warse.
Takkay Ikkah Away Annah Tan Caagiida Mango Taqabi Kataasak Geytimtaamih Taagah Doolat Maaqatta Beyelem Yiysixxige.
Itiyoppiyak Brodkast Abbatiino Kee Agatak Dooro Bordi Annah Tan Taqabitte Yablen Wak Sissik MIssos Akak Abaanam Faxximtam Qaddoose.