Koroonah Vayres Kalalitaanam Elle Duudan Taama Akkuk Geytimta
Addis Ababa, Caxah-Alsak 30, 2012 ILL (FBC) Koroonah Vayres Kalalitoonuh Faxxamma Inta Bicitte Abak Geytimaanam Qaddoosen.
Tama Vayres Kalalitoonuh Xiseenih Yanin Agatak Malokti Makaado Asaakih Ayro Naharsi Malak Dr. Abiy Acmad Elle Geytimaak Taama Kusaq Aben.
Tamakkel Abeenih Yanin Walalal Koroonah Vayres Aham Fanah Itiyoppiya Cule Weem Takkay Ikkah Kattat Kee Loysis Taamoomi Akkuk Geytimtam Qaddoosen.
A Loysis Boolek Baad Caddoh Tayyaarah Booxa Edde Anuk 30 Takke Cudud Culmah Gittel Kattat Abak Geytimaanam Yiysixxigen.
Ta Vayres Yalla Kinnih Itiyoppiyal Geytimek Af Kee San Edde Alfan Duyyeh Dagiina Boddaamak, Baaxoh Addal Amratuk Iro Qadaagah Ruubak Sugeeenih Iyya Baaxo Tuxxiiqit Asisaanam Faxximtam Kassiisen.
Tahat Arawah Anuk Qaafiyat Fanteenit Bicat Akah Sugtannah Tekkeh Tanim Kee Addis Ababak Yekka Kotobeh Hospital Ta Dayla Dibuk Akah Yacennah Bicat Yabbixeenim Qaddoosen.
Ta Hospital Inki Adda 300 Num Yabbixeemih Xiqto Lem Kee Fooca Fanah DuddaAkak Namma Gabal Akah Ossimannah Abeloonum Warsen.
Ahak Iroh Bishoftuk Kalali Qandeh Hospital Ta Taamah Bicseenih Geytimaanam Qaddosaak, Rakaakayitte Kee Indastiri Parkittel Yaakume Bica Abak Geytiman.
Ta Vayres Geytime Ayrook Lakal Itiyoppiyal Akke Radde Baad Caddoh Daffeynaani Sooliseenih Geytimaanam Qaddoosen.