Kaabulul Tekke Maysattakat 27 Num Edde Rabe
Addis Ababa, Caxah-Alsak 28, 2012 ILL (FBC) Afgaanistaanak Inaytah Tan Kabul Magaalal Tekke Maysattakat Dagnal 27 Numih Qawwaddi Edde Yewqeemit Yaaben.
Tama Maysattaka 1995 Taaliban Qidde Cazra Kedoh Abba Qabdul Qali Mazaarih Kassittoh Aracl Tekkeh Tan Warsen.
Tama Maysattakat Qawwaddi Akak Yewqe Marak Kalah Ossotinah Mango Mari Edde Biyaakitem Qaddoosen.
Tama Qaffaydal Afghaanistaanak Fayya Le Siyaasa Miraacah Yan Qabdullahi Qabdu Edde Geytimem Takkay Ikkah Tu Qawwalayla Kaat Boode Waytem Yiysixxigen.
Ta Maysattaka Ameerikah Qande Afghaanistaanak Yayyaqoonih Aben Sittin Geyiik Lakal Tekke Kaxxa Maysattaka Kinnim Qaddoosen.
Taaliban Butta Ta Maysattakat Gaba Alle Waytam Qaddosse.
Kaxxa Bakaqih Xongolo Tontobbem Kee Rooket Radah Intih Nubleh Inte Maritte Sugtem Tama Oyti Yascasse.
Afgaanistaan Pirezdanti Ashraf Ghaani Ta Maysattaka Sihadayti Baxat Tekkem Kee Afghanistan Agatih Inkittinaanet Teklkem Qaddoose.
Tatre Sanat Yessekexxen Tamannah Tan Qaffaydal Annah Tan Maysattaka Tekkeh Mango Mari Edde Rabem Oyti Yascasse.
Raceyna:- Royteris