Taama Saamih Ginoh Komishin Taturteh Tan 7 Alsitteh Addat 1.67 Miliyoon Takke Baaxo Xayloh Taama Saami Geysiisoonu Duudeenim Qaddoosen
Addis Ababa, Caxah-Alsak 26, 2012 ILL (FBC) Agat Caddol Taama Saami Geysiisaanamih Angagoyya Ogoysemeh Yan Siiratat Miracsimam Faxximtam Ciggiila Naharsi Malak Gifta Demmeke Mokkonin Qaddoose.
Taama Saamih Ginoh Komishinih Malah Buxak 7 Alsak Taama Abnissoh Caagiidal Sheraton Addisil Walal Abak Geytiman.
Agat Caddol Taama Saami Ginaanamih Taama Ogoysimeh Yan Siiratat Yantiffiqimeenim Faxximtam Ciggiila Naharsi Malak Gifta Demmeke Mokonnin Qaddoose.
Asanati Miizaniyyatal Ikraarok Xabba Haanam Rakaakayitte Lih Taamitaanamih Taama Meqe Caddot Geytimam Kassiiseh Yan Ciggila Naharsi Malak, Sanat Garabal Tekke Taama Xali Edde Yumbulleh Yanim Yiysixxige.
Tama Gudgudul Ta Komishin 7 Alsih Addat 1.67 Miliyon Yakke Qunxaaneytah Taama Saami Geysiiseenim Yiysixxigen.
Kulli Caddol Mirocti Kattat Kee Qokol Abeenimih Tannah Yan Xali Akak Geytimam Duudem Ciggiila Naharsi Malak Gifta Demmeke Mokkonnin Qaddoose.
Federaalak Taama Saamih Ginoh Komishin Xayyoose Taama Gabbaaqu “Numma Fanah Xayyowtem Kinni” Axcuk C/Naharsi Malak Tama Axacal Yiysixxige.
Qunxaaneyta Maddur Yaysaggayye Cayla Abak, Buxa Marih Biznes Geysiisoonuh Aban Macal Diggoysaanam Faxximtam Gifta Demmeke Qaddoose.
Tama Gudgudul Agatak Taama Saamih Ginoh Komishinih Malah Buxah Adoytit Edde Anuk Federal Kee Rakaakayittek Fayya Le Mirocti Edde Tengelem Naharsi Malaakih Kutbeh Buxak Geyne Oyti Yascasse.