Rusiya Kee Turki Idliibil Qusba Girah Agra Sooloh Sittin Gey Aben
Addis Ababa, Caxah-Alsak 27, 2012 ILL (FBC) Rusiya Kee Turki Doolat Idlib Rakaakayal Girah Agra Sooloh Sittin Gey Abinal Asisaanam Qimmisen.
Tama Sittin Gey KImaalih Ayro Moskoh Magaalal Rusiyah Pirezdanti Viladmir Puutin Kee Turkih Pirezdanti Rejib Teyyib Erdogan Fanal Yekke.
Tama Sittin Gey Turki Qokoltah Tan Sadi Caylitte Kee Rusiya Qokoltah Tan Bashar Al-Asad Doolatih Qandeh Fanal Kaxxa Carbiy Akkuk Sugeek Lakal Soolisoonuh Aben Sittin Gey Kinnim Warsen.
A Sittin Geyik Ugut Abak Rusiya Kee Turkih Qande Sitta Lih Loysissa Dariifay Tonnah Qaskariyyoh Angagoyyak Curri Takke Ariica Baxseenih Geytiman.
Idlib Rakaakaya Soriyak Sadi Caylittek Kaxxa Fantyeena Kinnuuk, Basahar Al-Asad Qande Tama Arac Bukkussuh Qagaaqagitak Maysattaka Abak Sugtem Tamixxige.
Tama Sittin Geyiik Naharat Tekkeh Tan Maysattakat 60 Takke Turkih Qande Edde Rabteh Sugtem Warsan.
Sadi Caylitte Kee Al-Asad Qandeh Fanat Sugeh Yan Booduk Gexxaamah Adan Baxi Ceeloh Taqabi Ossimak Yemeetem Qaddoosen.
Turki Tama Sittin Gey Yakkeemik Dumal 2 Takke Qandeh Adoytit Teetik Edde Rabtem Tiysixxige Suge.
Tahak Ugut Abak Turki Tamahimih Cane Gacsah Beyteh Tan Maaqattat 21 Takke Sooriyak Qandeh Adoytit Qiddem Kee Carbi Silaacittet Tonnah Maysattaka Abtem Qaddosse Sugete.