Asqassabe Karawwadah Iroh Idoolinna Kee Gaba Culsi Gita Hinna – Gifta Demeke
Addis Ababa, Caxah-Alsak 26, 2012 ILL (FBC) “Asqassaabe Karawwadih Walalal Tannah Aba, Tannah Maabina, Akket Gili Hayisa, Inta Gexso Oggol Alle Waam Kee Qabur Cayli Taama Kinni” Axcuk Ciggiila Naharsi Malak Gifta Demeke Mokkonnen Qaddoose.
Naba Asaqassaabeh Karawwadih Xisnek Ummatta Koobahissok Agat Malah Buxak 12hele Madabiino Kobox Gexsen.
Tama Koboxul Ciggiila Naharsi Malak Kee Tama Malah Buxak Gaaboyseh Yan Gifta Demeke Mokoni, Afa Caagiidah Malak Gifta Geddu Andargachew, Lee, Efeq Kee Elmo Malaakah Yan DDr. Injiner Sileshi Bekele Edde Anuk Tama Mala Buxah Adoytit Edde Geytimte.
Agagat Malah Buxah Adoytit Tama Koboxul Ameerikah Doolat A Ayyaamih Addat Tuybulle Mabla Ugusak, Ameerika Tama Walalat Tangalemik Manna Inta Mabla Xayyoosen.
Suudan Mabla Mavca Celtam, Peblik Diploomaasih Ergah Hadaf Kee Kalah Tan Oytitte Doolat Gatuk Maqado Axcuk Yaaben.
Ciggiila Naharsi Malak Kee Tama Malah Buxak Gaaboyseh Yan Gifta Demeke Mokon Itiyoppiya Zulmeyna Abak Xayyoosan Mabla Tonnah Gexsi Baaxooxah Katuk Uma Intit Akah Yablen Innah Abak Sugen Angaggoyyak Saffosoonuh Ameerika Edde Yesgelleenim Kassiise.
Away Laakin Tah Ab, Tonnah Maabin, Akket Gili Hayis Inta Gexso Oggol Sinnim Kee Qabur Cayla Kinnimih Taagah Missowtam Faxximtam Qaddoose.
Fooca Fanah Takku Wayta Walalitte Cubbit, Itiyoppiyah Tuxxiq Dacrisak Akkelem Kassiise.
Asqassaabe Karawwadak 9hele Sanatih Qaffayda Elle Yassakaxxen Inna Inkih Tan Rakaakayittel Ummattah Uguugus Abak, Faacisso Daddoosih Taamoomi Digga Luk Takkem Faxximtam Ciggiila Naharsi Malak Abeh Yan Yaabal Qaddoose.
Tama Karawwad Away Xisnek Edde Geytimah Yan Caddo Wagsiisak Lee, Efeq Kee Elmo Malaakah Yan Dr. Injiner Sileshi Bekele Addaffakot Abe.