Bordi Siyaasa Missoynaani Xayyosseh Tan Weeqa Gacsa Akah Yacoonuh Wagitta Dagortih Seece

Addis Ababa, Caxah-Alsak 26, 2012 ILL (FBC) Itiyoppiyak Agat Dooroh Bordi Siyaasa Missoynaanik Xayyowte Weeqa Yacayuh Wagitta Dagortih Seeco Abe.

Tama Bordih Tontocowweh Tan Reedak Ugut Abak A Ayyaamih Addat Baxaabxasa Le Missoynaanik Xayyowteh Tan Weeqah Raddi Yeceenim Qaddoosen.

Tahak Ugut Abak, Tigray Demokrasaih Parti (TDP) Casbi, Meysiiso Kee Biiro Keenik Alfeenimih Weeqa, Itiyoppiyah Baaxoh Xayloj Sitta Luk Alliyyi Qadlih Parti (EZEMA) Daffeynaanil Adaf Yakkeenimi, Gonder Kee Debrebirhan Magaaloolil Saay Caylitte Adaf Keenit Tekkem Tama Waytol XYiysixxigen.

Ossetinah Oromiyak Agat Parti (ONP) Casbi, Biiroh Alfiyya, Tappella Ugusiyya Kee Adoytiitit Takke Meysiisoh Caagiidil Wayto Xayyosen.

Kalah Oromoh Demokraasih Kongres (OFEKO) Tama Bis Le Weeqa Xayyosse.

Gede’oh Ummattah Demokraasih Egla Alhun Keenik Bukkusaanamaay, Meysiiso Kee Gili Gaaboysiyyih Arcal Adaf Keenit Yakkeenimih Weeqa Xayyoosen.

Itiyoppiyak Agat Dooroh Bordi Tama Siyaasa Missoynaani Xayyosseh Tan Weeqah Doolatak Wagittah Tan Dagorti A Caagidih Addaffakot Le Oytitte Kee Isinnih Akah Xayyoowan Innah Ayyufta Keenih Ruubeenim Qaddoosen.

Tahak Ugut Abak, Ta Caagiidal Gacsa Yaceeni Gidih Tigray Rakaakayioh Doolata, Oromiyah Rakaakayih Doolatay, Amaara Poolis Komishini, Gabbi Rakaakyih Polis Komishin, Oromiya Polis Komishin Kee Oromiyak Ayro Mawqa Shawah Rasuk Baatuh Polis Kutbeh Buxah Seeco Xayyoseenim Tama Bordik Geyne Oyti Yascasse.