FAO Itiyoppiyal Qanayti Kalaluh 4.5 Miliyoonih Doolarih Qokol Abtam Faxxa
Addis Ababa, Caxah-Alsak 26, 2012 ILL (FBC) Itiyoppiyal Yanih Yan Qanaytu Edde Kalalitoonuh Baadak Maaqidda Kee Buqreh Egla (FAO) 4.5 Miliyoonih Ameerikah Doolarih Lakqo Cato Abtuh Dagana culte.
Buqre Malaakih Deetah Yan Gifta Sani Redi Elle Qaddoosennal, Itiyoppiyal Yanih Yan Qanaytu Qaada Gita Kee Keemikal Cariyyat Antiffiqimuk Boolul 90 Gaba Yunkuseh Geytimam Qaddoose.
Takkay Ikkah Inki Inki Dariifal Qaada Gital Aban Diiriyyo Akah Fixiixan Innah Abak Loysiisih Kaxxa Taqabi Akkuk Geytimam Kassise.
Tama Qanayti Fanti Maacih Baaxooxak Ugutak Yaman Kee Somaliyah Katuuk Itiyoppiya Fanah Culak, Somali, Qafar, Ayro Mawqah Amaara Kee Gabbi Tigrayih Dariifa Fan Gufam Warse.
Awayi Saaqatal Silayti Aki Neftal Koreh Geytimaamih Taagah, Saqud Qarabiya Kee Paakistaanak Ugutak, Gabbi Soomaliyak Itiyoppiya Fanah Culam Kee Oromiya Kee Gabbi Rakaakayak Tabba Iyyeh Keniya Fanah Culele Axcuk Qambaalaanam Qaddoose.
Tama Qanayti Fixiixek Lakal anket Geytimaah Iyyaanam Akak Yaaxigoonuh Diroonut Cattiimak Oyta Gaaboysaanamih Taamah Chaynah Doolatak Cato Elle Geyan Innih Walal Akkuk Geytimam Yiysixxige.
A Qanayti Ayro Mawqah Afrikal Ila Ximoli Alsa Fanah Sugeleemih Akkal Yanim Warsen.
Tama Qanaytih Kalaluh Qaada Gita Kee Tayaarat Summi Qaxaanamih Taamal Kalalitoonuh Bicat Geytimaanam Kassise.
Ta Taamah 30 Miliyoonih Birri Akah Yibbixeenim Qaddoose.