1 .5 Miliyoonih Karma Le Moyya Lafa Qafar Rakaakayal Geytimte

Addis Ababa, Caxah-Alsak 25, 2012 ILL (FBC) Oldwan Kee Ashuliyan Xiqsitta Xaahi Silaacitte Homo Errektes Moyya Lafa Lih  Qafar Rakaakayal Cubbussoh Arooca Geytimte.

Tama Moyya Nabnak Gexsi Afrikah Baaxooxal Geytimta Homo Errektesil Tamixxige Dumi Samadak Qunxa Moyya Kinnuuk, Tama Moyya Lih Baxaabaxsa Le Xaahi Silaacitte Lih Geytimtem Qaddoosen.

Daaran Cubbusso Kee Dacayri Abbatiino Fana Birodkasting Korporeetih Rubte Maybalaalaqal, Gonna Cuggaysoh Aracal Geytimtem Gohlaali Kinnim Kassisaak, Tama Gohlaali 2 Takkem Qaddoosen.

A Gohlaali Kaaduk Dumahi Homo Errektes Xiqsitta Samadih Gohlaali Kinnim Yiysixxigen.

Tama Gohlali Oldwan Kee Ashuliyan Xiqsitta Xaahi Dabaanih Silaacittet Antiffiqimuk Sugeenim Qaddoosen.

Geytimteh Tan Moyya Lafah Nabna (590 Sisi/cc) Kinnim Kee A Moyya Dumi Homo Errektesik Xaahi Dabaanih Silaacitteh Antiffiqimiyyih Ixxaga Fula Luk Sugtem Warsen.

Tama Lafa Geytimtem Qaddossemi, Ispeenil Geytimtya Sihadayti Baxih Mamaatah Caagiidil Cubbusso Abta Fanteenal Cubbusso Abah Yan Itiyoppiyah Yaabuke Doktor Sileshi Semmaw Kee Ameerikak Sawuzern Konnektiket Isteet Jaamiqatih Cubbusso Abeynah Yan Dr. Mayikil Rojers Ekkenen Miraacissa Butta Kinnim Qaddoosen.

Qimboh Gifta Ibrahim Cabib Geyeh Yan Kibuk Tan Moyya 1.5 Miliyoonih Sanatih Karma Lem Yiysixxigen.

2hele Lafa Profeser Nikolas Toz Garab Takke Moyya Lafa Geyem Kee Karmak 1.2 Miliyoonih Sanat Takkem Warsen.