2hele Luddak Maaqiddi Kibaalih Taddeera 72 Takke Magaaloolil Qimmisaanam Faxan

Addis Ababa, Caxah-Alsak 25, 2012 ILL (FBC) 2hele Luddak Maaqiddi Kibaalih Taddeera 72 Takke Magaaloolil Geytimta 1 Miliyoonuk Daga Takke Baaxo Xaylo Tuxxiq Akah Geytannih Bica Abak Geytiman.

Qimbo Ludih Taddeeral 604 Alfi Takke Baaxo Xaylo Tuxxiq Edde Geytem Federaalak Maagaalol Taama Saamih Giniyya Kee Maaqiddi Kibaalih Ejensi Tiysixxige.

Magaaloolik Maaqiddi Kibaalih Taddeera Baad Bankik 300 Miliyoonih Doolar, Itiyoppiyah Doolatak 150 Miliyoonih Doolar Akah Abbaxuk Sanat 2009 ILL Qimmiseenim Tama Ejensik Naharsi Dayrekterih Yan Gifta Zenebe Kumo Qaddoose.

Tama Taddeeral 92 Alfi Takke Baaxo Xaylo Saanih Tuxxiq Edde Geytem Kassiisaak, 580 Alfi Takkem Kaaduk Dariifa Daddoosih Taama Akah taamitan Innah Abeenim Yiysixxige.

Tama Dariifa Dacayrih Taamat Taamitak Sugte Maritte 3 Sanatih Addat Geyaanah Yanin Alsi Culentak Boolul 20 Gaba Qidaddoosakm, Tonnah Keenih Aban 500 Doolarih Qokolul Taama Akah Qimmisan Innah Akkelem Kassiise.

Aham Fanah 58 Alfi Takke Buxah Abbowti Kee Inonti Aydakaakan Beyak Taamah Bicat Geytimaanam Qaddoose.

Baad banki Tekkeh Tan Taama Kusaaqisak Xalu Akak Yubleemih Taagah 72 Takke Magaaloolil Ossetinah Gexsi Baaxo Xaylo Tuxxiq Akah Geytannih Taama Akkuk Geytimtam Gifta Zenebe Yiysixxige.

2hele Luddal Maaqiddi Kibaalih Tadderal 1 Miliyon Takke Baaxo Xaylo Tuxxiq Akah Geytannah Baad Bankik 500 Miliyoonih Doolarih Abud Kee Qokol Lakqo Akah Yibbixeh Geytimam Yescesse.

Itiyoppiyah Doolat Tama Taddeerah 250 Miliyoonih Doolar Akah Tibbixeh Geytimtam Qaddoose.

Tama Taama Qimmisaanam Elle Duudan Bici Ila Laaqini Alsa Fanah Gaba Kalak, Fooca Fanah Tuxxiq Geytam Faxximta Baaxo Xaylo Taama Fanah Culseloonum Yiysixxige.