Iran Koroonah Vayresih Baarimiyya Kalalittuh 54 Alfi Takke Casbit Sugte Maritte Elle Sugah Rubte
Addis Ababa, Caxah-Alsak 25, 2012 ILL (FBC) Iran Mango Mari Elle Geytima Gittisso Buxal Koroonah Vayres Kalalittuh 54 Yakke Mara Elle Sugah Casbik Teyyeeqem Qaddoosen.
Tama Mara Koroonah Vayresih Fokkaaqo Keenih Abak Currik Sugeenim Tama Baaxok Cukmi Buxah Afak Yaabeynah Yan Gaaholam Cusen Ismaqil Qaddoose.
Tama Marih Fanak 5 Sanataak Dagah Cukmi Elle Aben Mari Edde Ane Waam Yiysixxige.
Gexsi Kabuk Farangi Liggidih Loowok 2016 Xabba Haanam Oqral Oytitte Garaqak Sugteh Ayti Taaxe Migaaqal Casbit Sugte Biritaaniya Kee Iraan Baaxo Baxiinu Leh Tan Naziwan Zagira-Ratikilif Casbik Tet Ayyaaqeloonumih Akkal Yanim Warsan.
Iraanal Aham Fanah Koroonah Vayresik Gexxaamah 77 Num Edde Rabak, 2 Alfi 336 Daga Yakke Mari Tama Vayresit Yinxibbimeenih Geytimaanam Qaddoosen.
Tahak Ugut Abak Iran Chayna Katak Tama Vayres Fayya Le Caddol Biyaakak Geytima Baaxo Tekkeh Geytimta.