3hele Addah 8100 Nabah Yan Asqassaabeh Karawwadak Ux Kutbeh Farmok Culenti Gaaboysiyya Qimmisen

Addis Ababa, Caxah-Alsak 25, 2012 ILL (FBC) Nabah Yan Asqassaabeh karawwadak Akummo Xa Edde Daffeesen 9hele Sanat Wagsiisak 3hele Addah 8100 Telefoonul Ux Kutbeh Farmok Culenti Gaaboysiyya Pirezdent Sahlewerk Zewde Qimmisise.

Pirezdant Sahle Werk Zewde Tama Aracal Tatrusseh Tan Farmol Nabah Yan Asqassaabe Karawwad Ni Baaxoh Ummattak mano Maysaasah Inkim Tikka Inneh Gaadu Edde Abne Qadma Maysoh Ceelallo, Ni Inkittinaanek Mayballa Qagitaak Gexsi Qadwah Mayso Kinnim Qaddosse.

Pirezdant Sahle Werk Zewde Tama Karawwad Daddos Cuggaysok Bisoh Mango Tuxxiq Lem Kassisse.

Beeri Dadalak Qaago Xayyossa Heh Ne Yaybulle, Asaaki Baaca Mcaru Kee Guub Kinnimih Taagah, Kimal Linom Inkih Akah Nece Karawwada, Asaaku Kaaduk, Akah Yibbixen Waktik naharat gaba Kalak Mayso Qagitaak Orbisnay AAxcuk Abteh Tan Yaabal Qaddosse.

Tama Aracal Afa Caagiidah malak Gifta Geddu Andargachew, Culenti Malak Gifti Adanech Abebe, Agat Bankih Saqal Dr. Yinager Desse, Qaada Kee Turuzim Malak Dr. Hiirut Kaasaw Edde Anuk Mango Qibni Edde Yengele.

Tama Qaffaydal Fana Birodkasting Korporet Edde Anuk Nabah Yan Asqassaabe Karawwadah Kaxxa Doorit Digirteh Tan Dagortih Mamaxxag Sumaqta Kee Acwa Pirezdant Sahle Werk Zewde Tece.