23 Takke Iraanak Parlaamah Adoytit Koroonah Vayresit Yinxibbimen
Addis Ababa, Caxah-Alsak 24, 2012 ILL (FBC) Iran 23 Takke Mala Buxah Adoytit Koroonah Vayresit Yinxibbimeenim Qaddoosen.
Mala Buxa Ciggiila Saqal A Caagiid Wagsiisak Yece Maybalaalaqal, Iran Parlaamak 290 Takke Adoytiitih Fanak 23 Takke Adoytit Koroonah Vayresit Yinxibbimeenim Qaddoose.
Tama Adoytit Tama Vayresit Akah Tinxibbimemi, Iro Baaxok Temeeteh Tan Maritte Lih Luk Sugen Angaarawak Gexxaamah Kinnim Yiysixxigen.
Tama Baaxol Koroonah Vayres Fayya Le Caddol Barimak Geytimam Qaddoose.
A Vayres Uma Caddot Geytimaamak Ugut Abak, Mala Buxah Daffeynay Aboonuh Bicat Sugeenih Iyya Daffeyna Gexsi Ayro Fanah Yeyxeeren.
Iraanal Away Koroonah Vayresik Ugut Abak 77 Yakke Mari Edde Rabak, 2 Alfi 336 Yakke Mari Tama Vayresit Yinxibbimen.
Tahak Ugut Abak, Iraan Chayna Katak Tama Vayresit Mango Mari Edde Yinxibbime Baaxo Tekkeh Geytimta.
Away Tawqeh Tan Oytittel Iraanak Ciggilta Pirezdant Koronah Vayres Teetit Geytimem Warsan.
Ahak Afal Raanak Qaafiyat Malakak Ciggiila Malaak Tama Vayresit Yinxibbimem Kassitna.
Raceyna:- middleeasteye.net