Qadwa Maysoh Ayro Faxe Waktil Itiyoppiyah Xaylo Baaxo Kunnabna, Ceelo Kee Curriyyat Gaba Ace Waanam Taybullem Kinni – Pirezdent Sahle Werk

Addis Ababa, Caxah-Alsak 23, 2012 ILL (FBC) 124hele Qadwa Maysoh Ayro Baxaabaxsa Le Itiyoppiyah Dariifal Yessekexxen.

Tama Ayroh Qaffayda Wararah Temeete Taaliyanak Edde Yeysen Qadwa Qaleelah Rigidil Baxaabaxsa Le Qaffaydal Yessekexxen.

A Qaffaydal Pirezdent Sahle Werk Zewde, Tigray Rakaakayak Ciggiila Saqalah Yan Dr. Debresiyon Gebremikael, Qaada Kee Turizim Malaakah Tan Dr. Hiirut Kasaw, Federeshin Malah Buxak Caxah Afteenah Tan Gifti Kheyriyya Ibrahim Kee Tigray rakaakayak Fayya Le Mirocti Edde Tengele.

Pirezdanti Sahle Werk Zewde Tama Qaffaydal Abteh Tan Yaabal, Qadwa Xukko Cinak Curriyatah Tekke Giclo Kinnim Qaddosse.

Pirezdanti Sahlewerki, Qadwa Mayso, Sitta Ankacisnek Tonnah Sitta Lih Adabil Yabnek Akak Asillime Wayna Gidbaabina Kee Taqabi Ane Waam Baritto Edde Geyna Ceelallo Kinnim Tiysixxige.

Tigray Rakaakayak Ciggiila Saqalah Yan Dr. Debrestiyon Gebremikael Is Le Katuk Iyyeemih, Qadwa Mayso Faxe Ummattah Kalbit Akkele Wan Xalu Geysiisem Qaddoose.

Qadwak Geyna Barittoh Tu Gacteki, Tu Silac Gabat Alle Kal, Qande Manga Kee Dagiina Able Kal Inkittinaanel Tekke Mayso Kinni.

Qaada Kee Turiizim Malaakah Tan Dr. Hirut Kaasaw, Qadwa Mayso, Maysook Dagah Raaqta Mayso Kinnim Qaddosse.

A Mayso Ku’amolayyo Xintoh Gubat Sugte Maritteh Ceelo Takku Duddem Tiysixxige.