124hele Qadwak Maysoh Ayroh Qaffayda Yessekexxen
Addis Ababa, Caxah-Alsak 23, 2012 ILL (FBC) 124hele Qadwak Maysoh Ayroh Qaffayda Yessekexxen.
Ta Qaffayda Addis Ababah Magaalak Minilik Saariqil Yessekexxen.
Tama Qaffaydal Dumahi Giclo Aba, Addis Ababah Magaalah Xiinissok Fayya Le Mirocti Kee Addis abaha Magaalah Ayyunti Edde Yengele.
Dumaahi Itiyoppiyah Agiira Eglak Saqalah Yan Lij Daniel Jote Tama Aracal Geytimak Farmo Tatruseh Yen.
Tama Farmol Itiyoppiya Qadwal Abteh Tan Fida Isik Taturak Afrikah Edde Xiqtem Qaddoose.
Ni Baaxo Away Kaxxaam Gidbi Aqayyaareh Addat Geytimtam Kassiisak Baxsimiyyak Inkittinaane Fanah Yamaateenim Faxximtam Kassiise.
Naharsi Malak Dr. Abiy Acmad Kimaalih Ayro Qadwak Maysoh Ayro Wagsiisak Inkih Tan Ummattah Farmo Tatruse Suge.
Tama Farmol Qadwa Iyyaanam Nek Inkittinaaneh Asta Kinni Axcuk Qaddoose. Tama Maysol Inkittinaane Elle Tumbulle Mayso Kinnim Qaddoose.
