Eksayiz Qiso Ossemteh Axcuk Limo Osisaanam Gita Hinna – Culenti Malaaka

Addis Ababa, Caxah-Alsak 22, 2012 ILL (FBC) Culenti Malaakah Tan Gifti Adanech Abebe Qidaddoh Aytikumusiyyah Qusba Eksayiz Taksih Kuktal Qiso Kee Meeri Nukusi Abeenim Tiysixxige.

Tama Malak Gifti Adanech Abebe, Qusba Eksayiz Taksih Kukta Elle Abnisan Innih Caagiidil Maybalaalaqa Tece.

Tama Maybalaalaqal Eksayiz Taksi Ossimeh Axcuk Qadaagal Limo Osisa Mari Inti Deera Kinnim Qaddosse.

Tama Maysaasa Qidaddoh Aytikumusiyyah Tonnah Ayyuntal Taqabi Boodaamak Asacabuk Yeyyeqeenim Tiysixxige. A Kuktal QQiso Nukuse Edde Aben Murtitte Kee Affaafitte Kaxxaam Mangom Kassisse.

Murti Kee Murtisso Fayya Akah Intannah Buqre Luddih Qidaddo Fayya Hoonuh Eksaayiz Kee Qiso Nukusi Akah Abeenim Kassisaak, Iro Baaxoh Ruuban Baaxo Murtitte, Iro Sharfi Geysiisele Axcuk Arab Kee Arab Murtit Heeni Sugen 150 Gaba Inkitanuuk Qiso Akak Kaleenim Qaddosse.

Telekomnikeshin Affaf Qisok Iroh Akah Takkennah Abak, Agat Caddol Retteema Gabat Agle Akah Diggowtannah Ta Luddih Silaacittel Heenih Sugen Qiso Kaxxa Nukusi Akak abeenim Gifti Adanech Kassisse.

Ossetinah Ayyunti Mangih Edde Yantiffiqime Zeynti Innah Tan Murtitte Eksayiz Taksi Elle Hee Weenim Tiysixxigem Tama Malaakak Geyne Oyti Yascasse.