Gabbi Koriyal Inki Ayroh Addat 594 Yakke Qusba Mari Koroonah Vayresit Yinxiobbime
Addis Ababa, Caxah-Alsak 21, 2012 ILL (FBC) Gabbi Koriyal Inki Ayroh Addat Mango Mari Koroonah Vayresit Yinxibbime.
Tama Baaxok Lakimi Kalalih Fanteenah Oyti Elle Yascassennal, Inki Ayroh Addat 594 Yakke Mari Yinxibbimeh Geytimam Qaddoosen.
Ahim Kaaduk, Aham Fanah Tama Vayresit Yinxibbime Marih Manga 2 Alfi 931 Gufeh Geytima.
Away Tama Baaxol Koroonah Vayres Uma Caddot Geytimam Yiysixxigen.
Tama Vayresit Yinxibbime Mango Mari Tama Baaxok Gabbi Dariifal Geytimta Da’egu Magaala Kinnim Warsen.
Tama Baaxoh Reedon Elle Qaddossannal, Tama Vayres Qibaada Elle Aban Aracak Tabe Kal Raaqe Waam Yaysixxigen.
Taha Lih Ameerikak Kaliforniya Kee Origen Rakaakayal 3 Yakke Qusba Mari Tama Vayresit Yinxibbimeenih Geytiman.
Tama Mari A Biyak Leh Tan Baaxooxak Amaate Weenim Kee Ameerikal Elle Suge Mara Kinnim Qaddoosen.
Baadak Qaafiyat Eglak Geytime Xaagi Elle Yascassennal, Ameerikal 59 Yakke Marai tama Vayresit Yinxibbimeh Geytimam Yiysixxigen.
Ugutma Wuhan Magaalak Abeh Yan Koroonah Vayres Baadal Geytimta 50 Takke Baaxooxa Maadeh Yanim Kee, 83 Alfi 650 Yakke Mari Tama Biyaakat Yinxibbimeenim Warsen.
A Namma Ayroh Addat Dibuk 6 Takke Qusba Baaxooxal Tama Vayresit Yinxibbimeenim Yiysixxigen.
Ta Vayresik Gexxaamah baad Qadaagah Aksiyon Addah Obeh Geytima.
Baadak Qaafiyat Egla Ta Vayres Uma Caddot Geytimam Qaddoosen.
Ta Eglah Oyti Elle Yascassennal, Ta Biyaak kalalitoonuh Digga Luk Taamitaanam Faxximtam Yiysixxigen.