Kilbatti Koriya, Koroonah Vayresit Axawah Haak 380 Takke Afa Baaxoh Xaylo Elle Sugah Araca Fanah Ken Culusse

Addis Ababa, Caxah-Alsak 16, 2012 ILL (FBC) Kilbatti Koriya Koroonah Vayresih Cunxook Gexxaamah 380 Takke Baxabaxsa Le Baaxooxah Xaylo Elle Sugah Araca Fanah Culussem Qaddoosen.

Tama Araca Fanah Beyen Maritte Mangih Afa Baaxoh Xayloh Dipplomaatitte Kinnim Kee Tama Baaxok Inaytah Tan Piyong-Yangih Magaalal Geytimta Fanteenal Ken Suguseeloonum Warsen.

200 Takke Afa Baaxoh Xaylo Tama Vayresiik Gexxaamah 1 Alsih Gideh Isinni Buxak Akah Awqe Waan Innah Ken Abeenih Sugeenim Tamixxige.

Tama Waasok Lakal Elle Sugah Iraawo Fanah Ken Beyeenim Yiysixxigen.

A Mari Tama Fanteenal Makina Udduuru Fan Sugeloonuh Iyyaanamak Tu Maxaccinnon.

Kilbatti Koriyal Koroonah Vayresit Yinxibbimeh Akak Iyyen Marih Oyuti Uxih Kinnih Tuh Oyti Ane Waamat Yaaben.

Takkay Ikkah, Cuggaaneh Teetik Tan Gabbi Koriyal 7 Num Tama Vayresit Rabtem Kee 763 Yakke Mari Ta Vayresit Yinxibbimeenih Geytiman.

Tahak Taturak 11 Takke Tama Baaxoh Qandeh Adoytit Tama Vayresit Yinxibbimeenih Geytimaanamak Ugut Abak, 7 Alfi 700 Takke Qandeh Adoytit Barissa Heenih Elle Sugah Aracal Ken Yabbixeenim Warsen.