Dooro Bordi, Siyaasa Missoynaani Kibtam Faxximta Addaffakootitteh Caagiida Ila Qado Dirrik 3 Fanah Akah Xayyoosan Innih Seeco Abe

Addis Ababa, Caxah-Alsak 16, 2012 ILL (FBC) Itiyoppiyak Dooro Bordi Siyaasa Missoynaani Kibtam Faxximta Caagiida Ila Qado Dirrik 3 Sanat 2012 ILL Fanah Xayyosaanam Faxximtam Qaddoose.

Siyaasa Missoynaanih Kutbe Kee Dooro Kuktih Loowo 1162/2011 Ugut Abak Ta Bordil Agat caddo Kee Rakaakayitte Caddol Geytimta Siyaasa Missoynaanih Kutbeh Kibaanam Qambalsimta Dirki Akah Abbinosan Innah Yeyyeeqen Edde Xintak Loowo 3/2012 Ugut Abak Siyaasa Missoynaanih Kutbel Kibaanam Keenik Faxximta Caagiidah Addaffakot Le Alhun Bicseenim Kee Siyaasa Missoynaanih Akah Guftannah Abeenim Yiysixxigen.

Kulli Missoynah Ayyuftal Kibaanam Keenik Faxximta Ta Bordi Qado Dirrik 3 Sanat 2012 Fanah Xayyosaanam Faxximtam Keenih Qaddoseeh Yaniinim Warse. Takkay Ikkah Aham Fanah Culusseh Tan Siyaasa Missoynaanih Manga Kaxxam Dagoh Tanim Yescessen.

Tahak Ugut Abak, Keenik Qambalsimta Addaffakot Caagiida Taybulleh tan Alhunitte Ken Gufteh Tan Missoynaani Inkih Qado Dirrik 3 Sanat 2012 ILL Gufaamak Dumal Kibaanam Keenik Faxximtam Kibak Kutbe Qimmisaanam Faxximtam Qaddoosen.