Tengele Qarab Emaraatal Madqaak Iroh Mamaxxaga Sinnim Iraawitteh Tan Itoyoppiyah Xayloh Kutbe Qimmisen
Addis Ababa, caxah-Alsak 16, 2012 ILL (FBC) Tengele Qarab Emaraatal Madqak Iroh Mamaxxaga Sinnim Iraawitte Itiyoppiyah Xayloh Kutbe Abu-Daabih Embaasil Qimmisen.
Naharsi Malak Dr. Abiy Acmad A Xayi Udduurih Addat Fanti Maacih Baaxooxal Geytimta Itiyoppiyah Xaylo Lih Walal Abuh Tengele Qarab Emraata Fanah Gexeh Sugem Kassitna.
Tama Gufnel Baaxo Xayloh Ceelo Dacrisaanam Elle Duudan Caagiidil Tengele Qarab Emaraatih Doolatal Xayyoosak Oggol Geyem Tamixxige.
Tahak Ugut Abak, Madqaak Iroh Tama Baaxol Tanih Tan Itiyoppiyah Xaylo Madqa Gital Mamaxxagah Alhun Akah Geyan Innal Sittin Gey Abeenih Sugen.
A Sittin Gey Abinal Asisaanam Elle Duudan Madqak Iroh Tengele Qarab Emaraatal Geytimta Itiyoppiyah Xayloh Kutbe Asaakih Ayro Abudaabil Geytima Itiyoppiyah Embaasi Kee Dubayal Geytima Konsula Jeneraalih Kutbeh Buxal Qimmiseenih Geytimaanam Tama Embaasik Geyne Oyti Yascasse.
Ta Kutbe Qado Dirrik 13 Sanat 2012 ILL Hinnammay F.L.L March 22 Sanat 2020 Fanah Sugelem Qaddoosen.