Baaxol Akkuk Geytima Milaagu Qokolak Baxaabaxsa Le Magaaloolil Soolo Tekke
Addis Ababa, Caxah Alsak 14, 2012 ILL (FBC) Agat Caddol Akkuk Geytima Milaagu Kee Biso-Maxco Gexsit Qokolaanam Hrarr Magaala Kee Dariifah Ayyunti Qaddoose.
Harar Magaala Edde Anuuk Ayro Mawqah Hararigge 20 Takke Daqoorit Kee 4 Takke Magaala Xiinissok Tewqeh Tan Tama Soolol Tengele Ummatta Yan Milaagu Qokolaanam Taybulle Farmo Le Itro Kee Isinnih Yewqen
Tama Ummatta, “Inkittinaanel Biso Maxcoh”, Biso Maxco Inkih Tan Ummattah, Inkih Tan Ummatta Biso Maxco Fanah” Inta Itroo, Dr. Abiy Acmad Xaqut Soolenno ” Dr. Abiy Acmad Ku Xaqut Nan” Axcuk Baxaabaxsa Le Itroora Kee Isinnih Yewqen.
Qokol Soolo Abteh Tan Harar Ummatta Imaamu Acmad (Guri Acmadih) Istaadeyomul Yenketteenim Warsen. Tama Araxal Rakaakay saqalah Yan Gifta Ordin Bedri Edde Anuk Fayya Le Mirocti Edde Geytimte.
Borenah Rasuk Yaabelloh Magaalah Ayyunti Akkuk Geytima Milaagu Qokolak sooloh Yewqen.
Tama Magaalah Istaadiyomul Magaalah Ayyunta Kee Dariifah Ayyunti Edde Yengelem Warsen.
Soolot Tengele Ummatta Milaagi Miraacah Yan Dr. ABiy Acmadah Lon Qokol Bisoh Heeloonum Qaddoosen.
Dukem Magaalal Tonnah Agat caddol Yan Milaagu Qokolak Soolo Gexsen.
Tama Ummatta “Agat caddol Yan Milaagu Qokolnah” “Naharsi Malak Dr. Abiy Acmad Miraacinih Xaqut Nana” Inta Itro Kee isinnih Loonuh Yanin Qokoluh Yewqeenim Yiysixxigen.
