Aydaadi Barito Elle Barisan Kitab Barittoh Biceh Geytimam Qaddoosen

Addis Ababa, Caxah-Alsak 13 ILL (FBC) Aydaadi Baritto Elle Yacen Kitab Baxaabaxsa Le Mihratleelah Tummobul Edde Asgalluk Barittoh Bicat Geytimaamat Yabaen.

Itiyoppiya Afrikah Gaysak Aydaadi Barittoh Kitaabal Hangi Aba Gudgud Addis Ababal Gexsen.

Saynis Kee Fayya Le Barittoh Malaakah Tan Profeser Hiirut Weldemariyam Aydaadi Baritto Dumaahi Ummattak Sitta Luk Alliyya, Siyaasa, Maddur Kee Meqem Kaban Caagiida Yafhimoonuh Kaxxa Cato Allelem Qaddosse.

Aydaadi Baritto Yamaate Wargi Qellatak Baritto Geyak Is Akah Missoosannah Edde Ascabuk Bicseenim Tama Malak Kassisse.

A Kitab Baxaabaxsa Le Caddol Kusaaqisak, A Luddal Ixxiga Le Mihratleelah Tummobul Edde Asgalluk Bicseenim Qaddosse.

Tama Tummobul Edde Asgalluk Fayya Le Caddoh Barittoh Fanteenitil Elle Barisoonuh Kaxxa Tuxxiq Allelem Kassisse.

Ta Kitab 7 Mafdgal Kureenih Sugeenim Kee 107 Ammuntal Bicsenih Sugeenim Kassiisak, Tatre Naharsi Kudoh Alsih Addat Fayya Le Caddoh Barittoh Buxaaxi Fanah Ruubak Ciggilta Kudoh Tummobul Elle Acayuk Gacseenim Warsen.

Qimboh Bicseenih Yanin Kitaabal Tumbulleh Tan Coocitte Kee Qakitte Missoosak Barteynit Duddal Bicelem Kassiisen.

Mihratleela Sittin Gey Akah Abe Wayte Inki Inki Ximmooma Missosak Kusaq Akak Abak 2hele Matbaqat Akak Abeloonum Saynis Kee Fayya Le Barittoh Malaakak Geyne Oyti Yascasse.