Dumaahi Meksiikoh Pirezdanti Atlaake Kusaq Kaat Abak Geytiman

Addis Ababa, Caxah-Alsak 12, 2012 ILL (FBC) Dumaahi Meksiikoh Prezdantih Suge Enerike Pena Neto Atlaake Baatilil Ka Dereemak Kusaq Kaat Abak Geytimaanamat Yaaben.

Tama Prezdanti Atlaake Baatilik Kalah Gita Maliinol Maaliyyah Tabaatabsa Kee Reeda Gita Maliinot Yintiffiqimeh Axcuk Kal Heen Baatil Kinnim Qaddoosen.

Tahak Ugut Abak, Polis Dumaahi Pirezdanti Pena Neto Kusaq Abak Geytimaanam Warsen.

Madqah Goore A Caagiidal Tummobul Yacem Mafaxinna.

Away Meksiikoh Pirezdanti Yan Andres Amanuel Is Le katuk, Pena Neto Cukmi Buxah Xayyowamih Fayri Alle Wam Qaddose.

Takkay Ikkah Pirezdantitte Reedak Obta Wak Madqal Esserimoonay Hinnammay Esserime Woonay Inta Caagiidal Mala Buxa Xongolo Edde Tacem Faxximtam Kassise