Naharsi Malak Dr. Abiy Agatak Wagari Salaamih Komishini Lih Walal Abe

Addis Ababa, Caxah-Alsak 12, 2012 ILL (FBC) Naharsi Malak Dr. Abiy Acmad Agatak Wagri Salaam Komishinih Adoytiiti Lih Walal Gexse.

Xissiimay Inki Sanatah Geytima Tama Komishini, Tatre Inki Sanatih Addat Aben Taama Gabbaaqu Xayyoosen.

Tahak Ugut Abak, Abnisiyyi Dudda Gablusoonuh Baxaabaxsa Le Taamoomi Gexisak Geytimaanam Ascassuuk, Baaxoh Adda Kee Afa Baaxooxak Abak Raag Elle Geyan Innih Taama Abak Yemeeteenim Yescessen.

Tama Komishini Yaamte 3 Sanatih Ikraaro Bicsoonuh Gexsitit Akak Yaniinim Kee Tama Taama Diggosoonuh Maytani Makaado Xiseenih Geytimaanam Qaddoosen.

Gaaboysaanah Yanin Oytitte, Sirrit Yabbixeenim Faxximtam Ascassuuk, Ahimih Kaaduk Databeez Missoosak Geytimaanam Yiysixxigen.

Tama Komishini Gexsi Eglaali Lih Lon Angaaraw Diggoysak Geytimam Qaddoose.

Ahak Kalah, Xaagi Raceynit/Retteemah Mihratleelah Tu Cubbus Aydakaakanitte Yeceenim Kassiisaak, Qafar Kee Soomalih Rakaakayak Iroh Tan Gexsi Rakaakayittek Saqolti Kee Kalah Tan Mirocti Lih Walal Gexseenim Yescessen.

Tama Komishinik Xisne Kuktal Maqnisso Baxsa Bahtah Tan Coocitte Edde Kiban Edde Xinta Bicisak Geytimaanam Qaddoose.

A Gabbaaqul Ta Komishinik Taama Abnisah Makaado Kulli Ayyam, Tonnah Adoytiiti Lih Kulli Alsal Gaabowak Tekkeh Tan Taamoo Kusaaqisaanah Yaniinim Yiysixxigen.