Tigray Rakaakayak Biso-Maxco Missoynah Adoytit Kee Mirocti Caxah-Alask 11 Qaffayda Wagsiisak Farmu Tatrusen

Addis Ababa, Caxah Alsak 10, 2012 ILL (FBC) Tigray Rakaakayak Biso-Maxco Missoynah Adoytit Kee  Mirocti Caxah-Alsak 11 Qaffayda Wagsiisak Maybalalaqa Tatrusen.

Ta Farmok Inkih Ahak Gubal Xayyowele.

Massakaxxa Le Tigray Ummatta Ku’amolayyo Xintot Angacalluk Aben Fidah Kasaaritte Caylitteh Gabat Madirabboowa, Buttah Xissimte Caylitteh Isi Fayri Edde Abbinossa Ummatta Matakka

Massakaxxa Leh Gidbi Manol Fida Akkuk Qeero Le Giclol Isih Dibuk Hinnay Inkih Tan Ummattah Tuxxiqih Macalteh Tan Inkih Tan Tigray Ummatta Unkaq 45hele Caxah-Alsak 11 Qaffaydah Muquk Sin Gufse.

Massakaxxa Le Tigray Ummatta Kee Giclol Fida Tekke Buxah Maritte Kee Giclot Biyaakitte Ummattah Inkih

45 Sanataak Afal Sugteh Tan Xukko Kee Ceelo Wayti Qaskariyyoh Xinto Dagi Doolat Abak Sugte Baatili Kee Xukko Sadak Dago Ummatta Xaylo Qimmimteh Tan Ummattah Uguugut Kee Giclo, Agat Caddol Baarimak 29 Sanataak Afal Gaba Kalak Ni Baaxo Itiyoppiyah Qusba Safar Luddah Rakiibo Tekkem Dirab Sinni Numma Kinni.

Takkay Ikkah, A Aydaadu Le Fida Faxxah Tan Qeero Le Giclo Dirabboossah Tan Caylitte Gexsi Kabuk Isinni Tuxxiiqih Akat Giitoh Diigir Tigray Ummatta Oggole Waytam Kinni.

Giclo Kee Kiclo Faxxeh Tan Fida Faxxiimta Kunnabna Geytam Elle Faxxiimak Tenekkel, “Gira Inaaaqitak Gonbod Kaat Boosite” Akah Iyyan Innah Caxah-Alsak 11 Qaffayda Ummattah Ceelallo, Kee Kaamolayyoh Oggolre Wayti Kee Qeero Le Giclo Urta Girh Innah Yoskonoonoceenim Kinnim Wadirih Cabak, Ummatta Kunnabnah Essero Darre Cabak, Siyaas Digir Abak Geytimta Caylitte Tanim Inkih Naaxigem Nek Faxximta.

A Giclo Miraacisak Sugte Ciwwucat Mango Aqayyaaret Taturtak Temeeteeh, Mango Xalu Baahak, Xayi Udduuru Fanah Itiyoppiya Miraacisak Sugte Ehadeg Xiqsitta Missoyna Akah Xissimtannah Abe Sugte. Tahak Ugut Abak, A Giclo Miraacisak Sugte Tigray Ummatta kEe Gexsi Itiyoppiyak Agat Kee Agattiina Lih Gacak, Itiyoppiyal Siyaasa Sitta Luk Alliyya Kee Qiddaddol Mangom Macalteh Sugtem Inkih Naaxigeh Nan Numma Kinni.

Ehadeg Doolatiini Uddur, Mango Coocitte Lih, Demokraasi, Meqe Salam Kee Qadliino Le Daddos Tuxxiq Akah Yamaatennah Qimbo Maaqatta Qimmisse Macal Dirabbosaanama, Ummatta Abte Giclo Ganeenih Gide Kinnim Naaxigem Nek Faxximta.

Tayse Itiyoppiya Ginnuh, Sittat Tabaatabsak Cubbit Yafhimeenih, Sittin Gey Kee Qafuutal, Fooca Fanah Nallu Wayna Gexsoh Kaxxa Tuxxiq Lem Aaxaguk, Meqe Xinto Akah Xisnennah Ni Amol Daffeyte Quuka Kinni. A Quuka Tu-Taaxago Kee Ummattal Tan Dirki Kinnim Naaxigem Nek Faxximta.

Away Net Boodak Geytimta Adda Booditte, Baad Caddo Kee Dariifal Tan Milaagi Gexsititte, Siyaasa, Qidaddo Kee Teknoloji Milaagu Lih Gexxah Tan Taqabitte Yafxigeenim Elle Duudan Ikkel, Inki Inki Siyaasa Caylitte Idoolitte Mablal Isinni Maslacatah Ummatta Badisak Geytiman.

Caxah-Alsak 11 Ugutteh Tan Giclo Tigray Ummatta Fida Akah Akkuk, Yayse Curriyyat, Salaam Kee Demokraasi Bakaraat Elle Geytimtakkel, Mango Sanootak Lakal Baxsa Le Siyaasa Ceyah Addat Meqe Sulaytut Ufuy Akah Ruube Waytannah Abak Geytimta. Ummatta Edde Geytimta TaqabitteCalli Akah Geytimtannah Baaxok Baaxa Baxsa Le Dariifal Walal Akkak Tanih Tan Uma Mabla Akah Milaagimtannah Macal Akkuk Geytima. Migaq Bayissah Siyasa Tuxxiiqh Macalak Geytimta Caylitteh Fayri Arac Maxagta. Annah Tan Caagiidak Cubbi Abaanam Faxximtam Nasaccsem Fanna.

Away Ni Baaxol Uma Caddoh Beyak Geytimta Agattiinio Mabla Rakiibo A Cagaiidah Sabab Akkuk Geytimta. Mangattiino Federalizim Xisneh, Agat Kee Agattiinah Kinnane Qaada Kee Aydaaduh Dacayri Akah Akkelem Kee Baaxo Xisneh Madqaak Ugut Abak, Agat Sittin Gey Rakiibo Abak Nel Tan Dirkik Awqenno.

Gabah Aban Naqabu Kee Migaq Baysiyyi Siyaasa, Tiskireh Tan Siyaasa, Retteema Kee Aktivistitte Siisa Uugusak, Ummatta Kee Ummattah Angaaraw Data Asta Daffesak Geytimta Caylittet Diggaluk Ummatta Ken Saddam Faxximta.

Gexsi Kabuk, Ummatta Curriyyat Kee Inki Gid Akkiyyah Abta Gicloh Addal Butta Kee Numtin Amo Tuxxiqih Yakke Macal Tu Xalu Mali. Aham Kaaduk Siyaasa Kasaara Kinnim Yaaxigeenim Faxximta. Sisaasa Mirocti Ummatta Tuxxiiqik Isinni Tuxxiq Aysukumuk Macalta Missoynaani Tanim Aaxaguk Edde Yangicilleenim Faxximta.

Siyaasa Miraacinni Dudda Kee Ixxigal Walalal , Ummatta Fayri Lih Gexxah Tan Bicitte Diggoysaanam, Mabla Qayxiixinnak Gexxaamah Siyaasal Miraacinni Cooka Kinni.

Retteema Fanteenit Kee Ayyunti Mangih Edde Tantiffiqime Retteemal Tatrusan Uma Farmook Ugut Abak, Ummatta Fanal Salaam Kee Demokraasi Akah Maqarrowe Waytannah Abak Geytimta. Ahak Ugut Abak Retteemah Fanteenitil Geytimam Faxxiimak Yen Xali Uxih Yaanam Elle Faxximtannal Mageytimta.

Baxsa Luk Aktivistitte Kinnino Axcuk, Dirabn Yaabitte Barcisak Ummatta Kee Ummattah Angaaraw Darroqosoonuh Aban Macal Arac Keenih Xage Waytam Kinni.

Ah Inna Wak, Inkih Tan Retteema A Ayyunta Migaq Baysal Numma Akke Sinni Yaabitte Oytitte Akah Tacennah, Nummat Yabta Retteema Tanim Inkih Naaxigem Nek Faxximta.

Illacabol, Caxa-Alsak 11 Massakaxxah Qaffayda Inki Kabuuk, Ummatta Fida Edde Tekke Giclo Dirobbaossam Faxxah Tan Caylitte, Gexsi Kabuk Kaaduk Ummatta Giclo Numtin AMo Kee Butta Fayri Kee Tuxxiqil Asisossuh Faxxah Tan Caylittey Ummatta Kee Ummatta Fanat Bood Akah Yakkennaay, Demokraasi Xisneh Tangicille Agat Kee Agattiinah Fanat Barsi Akah Yaninnah Abtah Tan Mariite Tanim Aaxaguk Cubbi Abaanam Faxximta. A Qaffayda Nassakaxxe Wak, Curriyat, Qadli, Salam Kee Demokrasi Taagah Fida Tekke Maritteh Lino Kunnabna Qaddoosak, Inkih Tan Tigray Ummatta Away Waktil faxximta Sittin Xiiq, Inkittinane, Salaam Kee Biso Maxco Safar Gexsi Tooboko Lih Faxe Wakti Aysiisuk, Sittin Kacanul, Bsi Maxco Kee Qadliino Tuxxiiq Akah Diggowannah Qaagitna.

Yalli Itiyoppiya Kee Tet Ummatta Dacrisay!

Abraham Belay Berhe (Dr)

Biso-Maxco Missoynah Miraacinnih Adoyta Kee Tigray Luddih Koobahiseyna