Awroppah Inkiino Libiyal Qusba Loysis Cokda Qimmissam Faxxa
Addis Ababa, Caxah Alsak 10, 2012 ILL (FBC) Awroppah Inkiinoh Adoytiitih Tan Baaxoxa Liibiyal Carbi Silaacitteh Tabaatabsa Soolissuh Qusba Loysis Cokda Fiirisaanam Faxximtaamal Sittin Gey Aben.
27 Takke Tama Inkiinoh Adoytiitih Tan Baaxooxa, Ta Loysis Cokdal Sittin Gey Abeenim Takkay Ikkah, Kutbel Kuktah Bicsaanam Keenik Qambalsimta.
“Naharsi Hadafa Carbi Silaacittet Katla Xibix Haanam” Kinnimi Lukzembergik Afa Caagiidah Malak Jen Aselboren Qaddose.
Galli Maroh Egla mamaxxaga Akah Tece Tirippolih Doolata, Ayro Mawqa Kee Gabbi Libiyak Mango Dariifa Gabat Leh Yan Jeneral Caftar Kaliifah Cayli Kaxxa Maysattaka Keenit Abak Geytimam Warsen.
Awroppah Inkiino, Bad Kee Qaran Caylal Ayro Mawqa Meditiraniyal Gacak Loysis Taama Abelem Yiysixxigen.
Taliyaanak Afa Caagiidah Malak Luji Di Mayo Is Le Katuk Iyyeemih, Ta Inkiinoh Doonikitte Dabbo Mara Awroppah Fanah Akah Culan Innah Abtah Tan Caagiidil Gadu Abelem Qaddoose.
Raceyna:- BBC