Naharsi Malak Dr. Abiy Acmad Qarab Emaraatal Gidbi Taqabih Addat Sugte 135 Takke Itiyoppiyah Xaylo Gabat Luk Addis Ababa Cule

Addis Ababa, Caxah-Alsak 8, 2012 ILL (FBC) Naharsi Malak Dr. ABiy Acmad Tengele Qarab Emaraatal Abak Suge Taama Gufnek Gaba Kalak, Alhun Wayti Kee Gidbi Taqabih Addat Sugte Itiyoppiyah Xaylok 135 Takkeh Iyya Lih Addis Ababa Cule.

Itiyoppiyah Xaylo Emaraatak Akah Awqe Wan Innah Mango Sanat Waasot Ken Abbaxuk Sugenim Warsen.

Naharsi Malak Abeh Yan Taama Gufnel Tama Baaxoh Doolata Lih Walal Gexisak Abeh Yan Sittin Geyil Gabat Ken Baahe.

Tama Baaxol Baxaabaxsa Le Sababittet Casbi Sugteeh Tonnah Iraawol Inki Aracal Abbaxuk Segen Maritte Kee Alhin Sinnum Sugteh Iyya Edde Anuk  Elle Taamittam Faxxah Iyyah Sumaqta Warkat Keenih Acayuk Elle Raaqoonu Duuden.

Away Naharsi Malaka Lih Temmeteh Tanimi, Baaxo Fanah Taduureemih Fayru Luk Sugte Baaxo Kinnim Qaddoosen.