Samara Magaalal Suge Lee Taqabi Yifxigen
Addis Ababa, Caxah Alsak 7, 2012 ILL (FBC) Qafar Agatih Rakaakayi Doolatak Lee, Efeq Kee Elmo Biiro samara Magaalal Yoofe Sugeh Lee Taqabi Fixigeenim Qaddoosse.
Rakaakayak Lee, Efeq Kee Elmo Biiro, Lee Qeelat Boode Sugeh Yan Taqabi Kinnim Kassisaak, A Taqabi Xayi Udduurih Addat Yaxigoonuh Mango Mango Macal Akah Yekkem Qaddoosen.
Boodeh Suge Taqabik Gexxaamah Ummatta Leek Calwayittamak, Samara Jamaatqat Kee Biiro Bottit Ayyunta Afaquk Sugeenim Biirok Awlaytuh Yan Gifta Yaasen Canfaxe Qaddose.
Gifta Yaasin Abeh Yan Yaabal, A Lee Calway Akak Yemeetem Qeelat Boodeh Yan Taqabik Sugtem Kassise. Aham Kaaduk Qeedab Taama Faxak Sugtem Yiysixxigen.
A Qeelak Tewqeh Tan Silaacitte 2 Miliyoonih Innah Takke Lakqo Tayyaaqem Duddam Kassise.
Samara Magaalal 4 Ayroh Gideh Lee Taqabi Sugem Tamixxige.
Away Laakin Sugeh Yan Taqabi Yafxigoonu Xiiqeenim Rakaakayak Lee, Efeq Kee Elmo Biirok Geyna Oyti Yascasse.