Dubay Ekspo 2020 Yakke Bicih Xisneh 10 Alfih Itiyoppiyah Xaylo Akah Tangalennah Sittin Geye Aben
Addis Ababa, Caxah-Alsak 7, 2012 ILL (FBC) IFDRik Naharsi Malak Dr. Abiy Acmad, Dubayak 2020 Ekispo Elle Gexisan Aracat Gufne Abe.
Naharsi Malak Dr. Abiy, Kee Kaa Lih Gexxeh Tan Erga Dubayak 2020 Xiqsita Ekispoh Abak Geytiman Bici Maca Ceelam Wagiiten.
Tama Xisnel 10 Alfi Takke Itiyoppiyah Xaylo Akah Tangalennah, Sittin Gey Gufeenim Naharsi Malak Tama Gufneek Lakal Qaddoose.
Sihadayti Baxi Abem Faxek Abam Abam Duudam Elle Nuble Bica Kinni Axcuk Qaddoose.
Dubayak 2020 Ekispo Itiyoppiya Isi Qaada Kee Kinnane Elle Taysaxxaguh Roksat teetih Yeceenim Dr. Abiy Tama Aracal Qaddoose.
Naharsi Malak Dr. Abiy, Itiyoppiya, Afrikah Ekispo Akah Bicissannah Xayyosseh Tan Essero Afrikah Inkiinol Oggol Geyem Warse.
Awroppah Liggidih Loowok 2030 Fanah Tanih Tan Ufdduurah Addat, Akkele Iyyeenih Ikraaro Akah Yibbixen Afrikah Ekispo, Afrikah Caddol Kaxxaam Nabah Akak Iyyaan Ekispo Kinnim Yiysixxige.
Naharsi Malak Dr. Abiy Acmad, Tengele Qarab Emaraatih Baaxol Sumaqta Warkat Sinnim Sugteh Tan Baaxo Xaylo Edde Sugen Taqabik Akah Yawqen Innah Sittin Gey Abem Tama Aracal Qaddoose.
Taha Lih Itiyopiyah xaylo Elle Baritta Barittoh Buxa Elle Xisan Aracih Roksat Tama Sittingeyil Keenih Oggoleenim Yiysixxige.
Baadal kaxxaam Nabag Akak Iyyan Dubayak 2020 Ekispo Yamaate Sanat Akkelem Warsen.
Ta Ekispo Kaxxa Garab Luuk Xabba Haanam Ila 6 Alsa Fanah Fakut Sugelem Qaddoosen.