Doolat Baaxo Xayloh Gaar Kee Tuxxiq Dacrisuh Dudda Haam Abele – Naharsi Malak Dr. Abiy

Addis Ababa, Caxah-Alsak 6, 2012 ILL (FBC) Baaxo Xayloh Kunnabna Iyyaanam Baaxo Kunnabna Kinnim Aaxaguk, Doolat Baaxo xayloh Gaar Kee Tuxxiq Dacriselem Naharsi Malak Dr. Abiy Acmad Qaddoose.

Naharsi Malak Dr. Abiy Acmad, Baxaabaxsa Le Qarab Baaxooxak Temeete Itiyoppiyah Xaylo ih Dubayak Shabab Al-Ahlih Istadiyoomul Farmo Tatruse.

Tama Gudgudul, Saqud Qarabiya, Libnan, Kuwet, Qooman, Kuwatar Kee Bacreenik Temeeteh Tan Itiyoppiyah Xaylo Edde Tengele.

Naharsi Malak Dr. Abiy Tatruseh Yan Farmol, Itiyoppiyah xaylo Manoh Aqayyaareh Addat Gacca Iyyeenih Isinni Baaxoh Aban Macal Faylise.

Doolat Baaxo xayloh Gaar Kee Tuxxiq Keenih Akah Taccarsimtannah Abak Currik Akah Taamitan Innah, Kulli Baaxooxah Mirocti Lih Nammay Takko Sittin Gey Abelem Yiysixxige.

Baaxo xaylok Kunnabna Dacrisaanam baaxo Kunnabna Dacrisen Gide Kinniimih Taagah Ken Ceelo Kee Tuxxiq Akah Daccarsimtannah Abelem Tatruseh Yan Farmol Qaddoose.

Itiyoppiyah Xaylo Kee Ubkiya Itiyoppiyah Abta Xaylo Kah Abteh Tan Garayyoh Gadda Gacse.

Naharsi Malak Dr. Abiy 3 Ayroh Taama Gufneh Kimal Emarat Culem Tamixxige.

Kimaalih Ayro Naharsi Malak Dr. Abiy, Kimaalih Ayro Fanti Maacih Baaxooxak Tewqeh Tan 250 Daga Takke Itiyoppiyah Kominitih Awlaytiiti Lih Walal Abe.