Nayjeeriyal LASA Kaxxa Liqna Le Biyaakak Gexxaamah Rabeh Yan Marih Qadad 70 ak Fayya Iyye
Addis Ababa, Caxah-Alsak 5, 2012 ILL (FBC) Nayjeeriya LAASA Xiqsita Kaxxa Liqna Le Biyaakak Gexxaamah Rabteh Tan Maritteh Ixxima 70 ak Fayya Iyyeh Geytimaamat Yaaben.
Tama Biyaakat Yinxibbimeh Iyyeenih Dereemen Mari 700 Akkuk Sugeh Iyyak, away 1 Alfiiy 708 Fanah fayya Iyyem Qaddoosen.
Nayjeeriyal Tama Biyaakih Kalalih Fanteena, Tatre Ayyaamak Khamissi Ayro 3 Rakaakayal LAASA Liqnak Gexxaamah 8 Num Edde Rabem Qaddosseh Sugte.
Tama Biyaakat Yinxiobbimeh Yan Mari Kaaduk 472 Gufem Tama Fanteyna Qaddosse.
Tama 3 rakaakayittel 4 Takke Dakaatirwa A Biyaakat Tinxibbem Warsen.
LAASAk Kaxxa Liqna Le Biyaka, Farangi Liggidih Loowok 1969 Qimboh Addah Tama Biyak Elle Geytimeh Yan Nayjeeriyak Laasah Magaalal Mugaaqisen Biyak Kinni.
Ameerikak Biyak Kalalu Kee Loysis Fanyteena Elle qaddossannah Tu Gacteki, Laasah Biyak Kulli Sanatal 1 Alfiik Ila 3 Alfih Yakke Mara Yabbixem Qaddosse.
Tamakkeh Fanak, 5 Alfih Innah Tanim Edde Rabtam Tama Fanteenah Oyti Yascasse.
Ahak Afal LAASAh Biyak, Seeraliyon, Laybeeriya, Toogo Kee Beeninil Yumbulleh Sugem Qaddoosen.
Raceyna:- Aljazeera