Naharsi Malak Dr. Abiy Acmad Abudabi Cule

Addis Ababa, Caxah-Alsak 5, 2012ILL (FBC) Naharsi Malak Dr. Abiy Acmad Abudaabi Cule.

Naharsi Malak Dr. Abiy Acmad, Abudaabik Qaalam Tayyaarah Boora Gufe Wak, Qarab Emaraatak Afa Caagiidah Malakah Yan Shek Qabdalla Bin Zayid Kaah Garaye.

Naharsi Malak Dr. Abiy, 3 Ayroh Gide Taama Gufne Abuh Abu Daabi Fan Gexem Tamixxige.

Tama Gufnet, Emaraatal Geytimtah Tan Itiyoppiyah Xaylok Gaar Kee Geyaanam Faxximta Tuxxiqitte Keenih Elle Dacrisan Innih Caagiidal Walal Abelem, Naharsi Malaakih Kutbeh Buxah Prees Sekreteriyatak Saqalah Yan Gifta Nugusu Tilaahun Yeceh Yan Maybalaalaqal Qaddoose.

Akkel Sugu Wa Ayroorah Addat 15 Alfiik Daga Takke Itiyoppiyah Xaylo Lih Walal Abelem Kassisaak, Baaxo Xayloh Kunnabnaay, Gar Keenih Dacrisak, Geyaanam Faxximta Tuxxiqitte Keenih Akah Dacrisan Innih Caagiidil Walal Abelem Yiysixxige.

Gifta Nugusu Tilaahun Yeceh Yan Maybalaalaqal Baaxo xaylo Madqal Elle Daffeytennal Akah Taamitan Innah Abaanamak Kalah Madqa Sittin Geyih Caagiidil Fanti Maacih baaxooxa Lih Abeenim Kassiise.

Tahak Ugut Abak, Aham Fanah Urdun, Kuwatar, Saqud Qarabiya Kee Tengele Qarab Emaraata Lih Sittin Gey Yekkem Warse.

Doolat Awayi Waktil Baaxo Xayloh Hangi Aba Diploomasi Caagiidil Hangi Abeemik Ugut Abak, Aham Fanah 100 Alfi Takke Baaxo Xaylo Isinni Baaxo Fan Akah Yaduuren Innah Abaanam Xiqqimtem Yiysixxige.