Qumar Casan Al-Bashir Baadak Baatileynit Cukmih Baxah Tabseenih Yaceenim Faxan
Addis Ababa, Caxah-Alsak 03, 2012 ILL (FBC) Suudaanak Tabsi Doolat Duma A Baaxoh Prezdantih Suge Qumar Casan Al-Bashir Baadak Baatileynit Cukmih Buxah Tabisseh Aceleemit Yaaben.
Al-Bashir Farangi Liggidih Loowok Sanat 2003 Darfuurul Uguteh Suge Darfur Kookaxawal Samad Baysiyyi Baatil Kaa faxak Geytimaanam Tamixxige.
Wo Uddur Daruufurul Doolat Qokleynit Kee Gaadule Fanat Yekkeh Yan Boodut 300 alfih Num Edde Rabem Galli Maroh Oyti Yascasse.
Ahak Kalah 2.5 Miliyon Takke Baaxo Xaylo Isinni Guub Cabak Dabboh Gexxem Warsan.
Tahak Ugut Abak, Baadak Baatileynit Cukmih Buxa Al-Bashir Abeh Akak Iyyan Samad Baysay, Carbi Baatil Kee Adan Baxi Ceeloh Xukkoh Baatilil Akah Essertimannah Malkit Kal Xayyoseenih SugeenimTamixxige.
Away Kaaduk, Suudaanak Tabsi Doolat, Qumar Casan Al-Bashir Baadak Baatileynit Cukmih Buxah Ka Tabse Loonum Tama Baaxok Qaskariyyoh Malah Buxa Qaddosse.
Raceyna:- BBC