Mala Buxa Yamaate Khamiisih Gexissu Wayta Sissik Daffeynal Eksayiz Qaguntih Kukta Faaticisele Axcuk Qambaalan
Addis Ababa, Caxah Alsa 03, 2012 ILL (FBC) Ummattah Awlaytiitih Malah Buxa Yamaate Kamiisih Gexissu Wyta Sissik Daffeynal Eksayiz Qiso Qagunti Kukta Faaticisele Axcuk Qambaalan.
IFDR ik Ummattah Awlaytiitih Malah Buxak 5hele Taama Liggidak 1hele Sissik Daffeyna Yamaate Khamiis Caxah Alsak 5 Sanat 2012 ILL Gexsele.
Ta Sissik Daffeynal Eksayiz Qisok Qagunti Kukta Kee Baaxoh Addal Dabboh Tan Maritteh Dacayri Kee Qokol Elle Aban Innih Caagiidil Afrikah Inkiino Teyyeeqeh Tan Kampaalah Sittin Gey Kusaaqisak Faaticisele Axcuk Qambaalan.
Ossetinah, Sayyoy, Qunxaaneyta Kee Sitta Luk Alliyyi Caagiidakl Maytani Makaado Kee Iroh/Afah Angaaraw Kee Salam Caagiidak Maytani Makaado, Qhalam Le Matbaqatih Taama Baarisaanam Kee Bica Keenih Aboonuh Yeyyeeqen Maraakash Sittin Gey Faaticisoonuh Xayyoosen Qagunti Kukta Wagittaamal Xayyooseenih Yanin Gabbaaqu Margqa Mabla Kusaaqisak Tama Qagunti Kukta Faaticisolon Axcuk Qambaalan.
Sayyo, Qunxaaneyta Kee Sitta Luk Alliyyi Caagiidak Maytani Makaado, Afrikah Ummatta Kee Sihada Ceeloh Charter, Afrikak Idoola Ceeloh Protokol Sittin Gey Faaticiselon. Tonnah Madqa, Qadli Kee Demokraasi Caagiidak Maytani Makaado, Sihadayti Cayla Kee Teknoloji Caagiidak Maytani Makaado, Federal Xiinissok Adabi Siiratih Kukta Wagittaamal Xayyosen Gabbaaqu Kusaaqisak Faaticiselon Axcuk Qambaalan.
Madqa, Qadli Kee Demokrasi Caagiidak Maytani Makaado Kee Afah Angaaraw Kee Salam Caagiidak Maytani Makaado, Naqabi Yaabitte Kee Dirab Oytitteh Fixiixisiyya Kalali Kee Loysiisih Xayyowe Qagunti Kukta Tama Malah Buxa Faaticisele Akak Iyyen Gexsi Ximmooma Kinni.
Ummattah Awlaytiitih Malah Buxa Ta Gexissu Waytah Tan Sissik daffeynal, Itiyoppiyak Islaaminna Caagiidak Daga Raqta Malah Buxa Madqa Gital Mamaxxaga Akah Yacoonuh Xayyoosen Qagunti Kukta Kusaaqisak Wagittah Tan Maytani Makaado Fan Miraacisaanam Kee Ayyuntiino Faacissoh Daddos, Xiinisso Kee Edde Antiffiqimiyyi Caagid Wagittaamal Xayyoosen Qagunti Kukta Kusaaqisak Wagitta Maytani Makaadoh Fan Miraacisele Axcuk Qambaalan.