76 Takke Itiyoppiyah Xaylo Keniyak Tuduure

Addis Ababa, Caxah-Alsak 12, 2012 ILL (FBC) 76 Takke Itiyoppiyak Dabbo Maritte Isinni Fayrih Keniyak Yuduuren.

Galli Maroh Eglak Dabbo Marittek fayya Le Komishinih Oyti Elle Yascassennal, Isi Fayrih Tuduureh Tan Itiyoppiyak Dabbo Maritte Keniyak Kakuma Dabbo Marih Iraawoh Fanteenal Sugeenim Qaddoosen.

Tama Mara gacisaanamih Taama Galli Maroh Eglak Dabbo Marak Fayya Le Komishin, Galli Maroh Eglak Dabbo Mari Ejensi, Itiyoppiya Kee Keniyah Doolatih Catol Tekke Taama Kinnim Warsen.

Kimaalih Ayro Itiyoppiya Culteh Tan 76 Takke Somalih Rakaakih Xaylo Kinnuuk 12 Sanatah Dabboh Sugtem Yiysixxigen.

Yuduureh Yan Marak Mango Gaba Sayyo Kinnim Kee Tama Dabboh Aracal Toobokeh Elle Cattem Edde Geytimtam Qaddoosen.

Uxih Yaanam Mangoh Tan Itiyoppiyah Xaylo Isinni Fayrih Kakuma Kee Dadab Dabbo Marih Fanteenitik Awaquk Isinni Baaxoh Aduurelon Axcuk Qambaalan.

Keniyal Itiyoppiyah Embaasi, Ahak Afal Baxaabaxsa Le Keniyak dabbo Marih Iraawoh fanteenal Sanoota Gideh Sugte Baaxo Xaylo Isinni Baaxo Fanah Ken Gacsaanamih Taama Abak Geytimam Qaddoose.

Tama Fanteenal 3 Ila 40 Sanatah Sugtem Kee Isinni Baaxo Fan Yaduureenimih Fayri Loonuh Akak Iyyen 2 Alfi 281 Takke Dabbo Maritteh Safar Alhun Keenih Biciseenih Geytimaanam Warsen

Tahak Ugut Abak, Kakumah Fanteenak 85, Tonnah Dadab Fanteenak 2 Alfi 196 Takke Itiyoppiyah Xaylo Dabbo Marih Alhun Keenih Bicseenih Geytiman.

Kakuma Dabbo Maritteh Iraawoh Fanteenal 10 Alfi, Dadab Fanteenal 7 Alfi Sittat 17 Alfih Itiyoppiyah Xaylo Dabboh Elle Iraawiteenih Geytimaanam Tama Oyti Yascasse.