Fana: At a Speed of Life!

Biyyoonni gaanfa Afrikaa naannichatti nageenyaa fi diinagdee itti fufsiisuuf hojjechuu akka qaban ibsame

0 148

Finfinnee, Sadaasa 2, 2012 (FBC) – Biyyoonni gaanfa Afrikaa naannichatti walitti hidhaminsa nageenyaa fi diinagdee itti fufsiisuu dhimmoota danda’an irratti hojjechuu akka qaban ibsame.

Af-yaa’iin mana maree bakka buutoota ummataa FDRI obbo Taaggasaa Caafoo jila Af-yaa’ii paarlaamaa Somaaliyaa Mahaammad Mursaalee durfamu waajira isaanitti simachuun haala yeroo irratti waliin si’a mari’ataani dubbataniiru.

Af-yaa’iin mana maree bakka buutoota ummataa FDRI obbo Taaggasaa Caafoo hariiroon Somaaliyaa Ityoophiyaa waliin qabdu ollummaa qofa otuu hin taane ummata obbolaadha jedhaniiru.

jila Af-yaa’ii paarlaamaa Somaaliyaa Mahaammad Mursaalee durfamu gar Ityoophiyaa dhufuun hariiroo biyyoota lamaanii caalumatti akka cimuuf gargaara jedhaniiru.

Af-yaa’ii paarlaamaa Somaaliyaa Mahaammad Mursaalee gama isaanitiin mootumaan Ityoophiyaan kanaan dura nageenya, haala qabinsa mirga namoomaa fi dhimmoota kana fakkataan irratti deeggarsa taasisaa turuu ibsaniiru.

 

Comments
Loading...