Fana: At a Speed of Life!

አቶ አንዳርጋቸው ፅጌን ጨምሮ ይቅርታ የተደረገላቸውና ክሳቸው የተቋረጠላቸው ከ500 የሚበልጡ ሰዎች ጋር ከእስር ተለቀቁ

0 49

አዲስ አበባ፣ ግንቦት 21፣ 2010 (ኤፍ.ቢ.ሲ) አቶ አንዳርጋቸው ፅጌን ጨምሮ ይቅርታ የተደረገላቸው እና ክሳቸው የተቋረጠላቸው ከ500 የሚበልጡ ሰዎች ዛሬ ከእስር ተለቀቁ።

የፌደራል ጠቅላይ አቃቤ ህግ ለፋና ብሮድካስቲንግ ኮርፖሬት እንደገለፀው፥ ግለሰቦቹ ከእስር የተለቀቁ ዛሬ ከሰዓት በኋላ ነው።

የፌዴራል ጠቅላይ አቃቢ ህግ ሰሞኑን በሰጠው መግለጫ በተለያዩ ወንጀሎች ተከሰው የነበሩ 576 ግለሰቦች በልዩ ሁኔታ ይቅርታ ተደርጎላቸው እንዲፈቱ መወሰኑን ማስታወቁ ይታወሳል።
በልዩ ሁኔታ በይቅርታ ከእስር ከተፈቱት መካከል 18ቱ ሴቶች ናቸው።

ከተፈቱት መካከል ጉዳያቸው በፍርድ ቤት እየታየ የሚገኝና ክሳቸው እንዲቋረጥ የተደረገ፥ እንዲሁም ጉዳያቸው በይቅርታ ቦርድ ለኢፌዴሪ ፕሬዚዳንት ቀርቦ በልዩ ሁኔታ በይቅርታ እንዲፈቱ የተወሰነላቸው ናቸው።

ግለሰቦቹ ስነ ምግባራቸውና መፀፀታቸው ታይቶና ከእስር ቢፈቱ ለህብረተሰቡ ስጋት የማይሆኑ መሆኑ ታይቶና የፖለቲካ ምህዳሩን ለማስፋት በማሰብ መሆኑንም የፌደራል ጠቅላይ አቃቢ ህግ ገልጿል።

በአጠቃላይ ለ745 ታራሚዎች እና ተከሳሾች ነው ይቅርታ ተደርጎና ክሳቸው ተቋርጦ ከእስር የተለቀቁት።

Comments
Loading...