Yuunvarsiitich manneen barnootaa Dooktar Abiy itti barataniif meeshaalee birrii miiliyoona 1.5 deeggarsa taasiise
Finfinnee, Bitootessa 16, 2013 (FBC) – Yuunvarsiitiin Finfinnee manneen barnootaa Dooktar Abiy Ahimad itti barataniif meeshaalee birrii miiliyoona 1.5 deeggarsa taasiiseera.
Yuunvarsiitichi manneen barnootaa bashaashaa sadarkaa 1ffaa fi Aggaaroo sadarkaa 2ffaaf meeshaalee birrii miiliyoona 1.5tti tilmaamaman deeggarsa taasiiseera.
Kompiyuutaroota 30, Laabtooppii 13, Minjaalawwan 200, fi teessoowwan 75, akkasumas konkolaataa 1 Waajjira Barnootaa aanichaaf deeggarsa taasiiseera.
Muummeen Ministiraa FDRI Dooktar Abiy Ahimad manneen barnootaa kanneeniitti barachuun sadarkaa olaanaarra ga’uu fi badhaafamaa Noobeelii nageenyaa ta’uu isaaniin deeggarsa kanaaf filatamuu kaasaniiru.
Akka EBCn gabaaseetti qulqullina Manneen barnootaa kanneenii fooyyessuuf Yuunvarsiitiin Finfinnee barsiisotaaf carraa barnootaa kan laatu ta’uu Preezdaantiin Yuunvarsiitii Finfinnee Proofeesar Xaasaw Waldahaannaan waadaa galaniiru.
Fuula Feesbuukii keenyan dabalata odeeffannoo waqtaawaa argachuuf;
Teelegraama https://t.me/afanoromofana
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.