Yuunivarsiitiiwwan Finfinnee fi Afrika Kibbaa waliin hojjechuuf sanada waliigaltee mallatteessan

Finfinnee, Hagayya 24, 2014 (FBC) – Yuunivarsiitiin Finfinnee fi Yuunivarsitiin Afrika Kibbaa waliin hojjechuuf sanada waliigaltee mallatteessaniiru.

Waliigalteechas Pireezidaantii Yuunivarsiitii Finfiinnee Pirofeesar Xaasawu Waldahaannaa fi Ittaantuu Chaansilaraa Yuunivarsitii Afrika Kibbaa Piroofeesar Puuleengi Laankaakabula mallateessaniiru.

Waliigaltee kanaan barnoota, saayinsii, teeknooloojii, qorannoo fi qo’annoo, tajaajila hawaasummaa, misooma humna namaa fi ijaarsa dhaabbatummaarratti muuxannoo waljijjiiruu fi dameewwan biroorratti waliin hojjechuuf akka ta’e eerameera.

Pirofeesara Xaasawu Waldahaannaa, yuunivarsiitiiwwan lameen dameewan garaagaraan walta’iinsaan hojjechuuf waliigaluun jireenyaa Afrikaanotaa fooyyessuuf akka tumsu dubbataniiru.

Yuunivarsitichi Yuunivarsiitii Afrika Kibbaa waliin muuxannoon qoddatu akka jiru eeruun, yuunivarsiitiiwan kunneen qorannoo fi qo’annoo walta’iinsarratti bu’uureffate taasisuuf, jireenya lammiilee jijjiiruu fi jijjiirama ardiichatti fiduuf akka dandeessisuu ibsaniiru.

Ittaantuun Chaansilaraa Yuunivarsitii Afrika Kibbaa Piroofeesar Puuleengi Laankaakabula gama isaaniin, waliigaltechi, teeknooloojiin, qorannoo fi qo’annoon, dameewwan barnootaa fi leenjiin hojiilee itti fufiinsa qaban walta’iinsaan hojjechuuf akka tumsu ibsaniiru.

Maddi:TOI

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.