Yaa’iin Ministiroota Dhaabbata Daldalaa Addunyaarratti Itiyoophiyaan hirmachaa jirti

Finfinnee, Guraandhala 18, 2016 (FBC)-Ministiroota Dhaabbata Daldalaa Addunyaa 13ffaan Emeretoota Araba Gamtoomanii Abu Daabitti gaggeeffamuu eegaleera.

Dhaabbatichatti teessoo tajjabdummaa kan qabdu Itiyoophiyaan yaa’iicharratti hirmaacha jirti.

Yaa’iichi mata duree “Daldalaan ummataaf qaqqaabu” jedhuun biyyoonni miseensa Dhaabbatichaa 164 ol irraa walitti babba’an hirmaachaa jiraachuun ibsameera.

Yaa’iicharratti Ministir Deetaan Ministeera Dhimma Alaa Ambaasaaddar Misgaanuu Argaa, Ministirri Ministeera Daldalaa fi Walitti Hidhamiinsa Naannawaa Gabramasqaal Caalaa, Ministir Deetaa Ministeera Mallaqaa Dooktar Iyyoob Takkaalinyi fi Emeretoota Araba Gamtoomanitti Ambaasaaddarri Itiyoophiyaa Umaar Huseen argamaniiru.

Yaa’iichan sirna daldalaa hunda galeessaa, fooyyessii dhaabbata Daldalaa Addunyaa, fooyyessii sirna qaraxaa fi taksii akkasumas wabii nyaataa mirkaneessuurratti bal’inaan kan mari’atamu ta’uun ibsameera.

Yaa’ichi hanga Guraandhala 21, 2016’tti kan gaggeeffamu ta’uun eeraameera.

#Oromiyaa #Itiyoophiyaa

Odeeffannoowwan waqtaawaa dabalataa argachuuf;

Teelegiraama https://t.me/afanoromofana

Yuutiyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Tiwiitara https://twitter.com/fanatelevision nu duukaa bu’aa

Feesbuukii:https://www.facebook.com/afaanoromoofana/

Yeroo maraa nu waliin waan taataniif isin galateeffanna.