Yaa’iin Idilee 4ffaa waggaa 2ffaa Caffee Oromiyaa eegale

Finfinnee, Guraandhala 10, 2015 (FBC)- Yaa’iin Idilee 4ffaa waggaa 2ffaa Bara Hojii Caaffee 6ffaa Caffee Oromiyaa Magaalaa Adaamaa Galma Caffeetti gaggeeffamuu eegaleera.

Yaa’icha abbootiin Gadaa eebbaan bananiiru.

Af-Yaa’iin Caffee Oromiyaa Aadde Sa’aadaa Abdurahmaan haasaa baniinsaa taasisaniin, Oromoon Ityoophiyaa ijaaruu keessatti gahee olaanaa ba’achuu ibsaniiru.

Duula maqa balleessii humnoonni finxaaleeyyii uummata keenya irratti gaggeessan ni balaalleeffannaa jedhaniiru.

Kana malees gama qonnaatiin bu’aawwan baay’een galmaa’uufi akka fakkeenyaatti qamadii alatti erguun danda’amu kaasaniiru.

Lammilee hongeen midhamaniif uummanni hundi, dhaabbileen mootummaafi miti mootummaa addatti miseensoonni Caffee deeggarsa barbaachisaa akka taasisan gaafataniru.

Yaa’ichaan gabaasa rawwii Qaama Hojii Raawwachiisaa baatiwwan ja’an darbanii, Wixineewwan Labsii adda addaa 4 jechuunis; Bulchiinsaafi Itti fayyadama lafa baadiyyaa, Magaalota, Gurmaa’ina, Aangoofi Gahee Hojii Gumii Calaltuu Heera Mootummaa Naannoo Oromiyaa irra deebiin murteessuuf ba’eerratti mari’atee ni raggaasisaan eeggama.

Daagmaawii Daksiisaa, Bahaayiluu Baanee fi Adaanach Abbabaatu gabaase.

#Oromiyaa

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.