Yaa’iin Idilee 4ffaa waggaa 2ffaa Caaffee Oromiyaa boru ni eegala- Aadde Sa’aadaa Abdurahmaan

Finfinnee, Guraandhala 9, 2015(FBC)- Yaa’iin Idilee 4ffaa waggaa 2ffaa Bara Hojii Caaffee 6ffaan guyyaa boruu kan eegalu ta’uu Af-yaa’iin Caaffee Oromiyaa Aadde Sa’aadaa Abdurahmaan ibsan.

Yaa’ichi Guraandhala 10,2015 irraa eegalee Magaalaa Adaamaa Galma Caffeetti kan gaggeeffamu ta’uu ibsaniiru.

Yaa’ichaan gabaasa rawwii Hojii Qaama Raawwachiisaa baatiwwan ja’an darbanii, Wixineewwan Labsii adda addaa 4 fi ajandaalee biroo dhiyaatan irratti guyyoota lamaaf mari’achuun murtoo ni dabarsaan eeggama.

Miseensonni Caffee, dookumantiiwwan Yaa’ichaaf dhiyaatan irratti Guraandhala 7 Kokasii Dubartootaan, Guraandhala 8 fi 9, 2015 ammoo miseensonni waliigalaa marii garee taasisaa kan turan ta’uu ibsuu isaanii ragaan Caffee Oromiyaarraa argame ni mul’isa.
#Ityoophiyaa

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.