Yaa’iin Caffee Boriifi Iftaan gaggeeffama
Finfinnee, Guraandhala 9, 2016 (FBC)- Yaa’ii idilee 6ffaa waggaa 3ffaa bara hojii Caffee 6ffaan Guraandhala 10-11, 2016 kan gaggeefamu ta’uu Afyaa’iin Caffee Oromiyaa Aadde Sa’aadaa Abdurrahmaan ibsan.
Aadde Sa’aadaan ibsa miidiyaaleef kennaniin akka beeksisanitti, yaa’ichi gaggeeffamuun dursee Guraandhala 07, 2016 Kokasiin dubartoota miseensota Caffee ajandaalee yaa’ichaaf dhiyaatanirratti mari’achaa turuu himaniiru.
Guraandhala 08 fi 09, 2016 ammoo miseensonni caffee hundi dokumantiiwwan yaa’ichaaf dhiyaatan irratti mari’achaa jiraachuu kaasaniiru.
Yaa’ii idilee 6ffaa waggaa 3ffaa bara hojii Caffee 6ffaa Boruu fi Iftaaniirratti ajandaaleen guguddoon, gabaasa raawwii hojii bara 2016 qaama raawwachiiftuu ji’oota jahaa, wixinee labsii lamaa fi dambiin kan ragga’u ta’uu himan.
Dabalataan Muudamni garaagaraas kan raggaasifamu ta’uu himaniiru.
Tibbeessoo Dheekkamootu gabaase
#Oromiyaa #Itiyoophiyaa
Odeeffannoowwan waqtaawaa dabalataa argachuuf;
Teelegiraama https://t.me/afanoromofana
Yuutiyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Tiwiitara https://twitter.com/fanatelevision nu duukaa bu’aa
Feesbuukii:https://www.facebook.com/afaanoromoofana/
Yeroo maraa nu waliin waan taataniif isin galateeffanna.